സമ്പൂർണ മാസഫലം: 2026 ഓഗസ്റ്റ്മാസം നിങ്ങൾക്കെങ്ങനെ എന്നറിയാം

9. ധനുക്കൂറ്

(മൂലം, പൂരാടം, ഉത്രാടം 1/4)

വിപരീത സാഹചര്യങ്ങളെ അഭിമുഖീകരിക്കേണ്ടി വരുമെങ്കിലും ശുഭാപ്തിവിശ്വാസം കൈവിടരുത്. വ്യാപാരത്തിൽ കൂടുതൽ ശ്രദ്ധ കേന്ദ്രീകരിക്കേണ്ട കാലമാണ്; ചതിപ്രയോഗങ്ങളിൽ വീണുപോകാതെ സൂക്ഷിക്കുക. വിദ്യാർത്ഥികൾ അലസത വെടിയണം. ഉത്തരവാദിത്തപരമായ പെരുമാറ്റം ചിലപ്പോഴെങ്കിലും കൈമോശം വന്നേക്കാം. ആരോഗ്യത്തിൽ ശ്രദ്ധ വേണം. പ്രതികൂല സാഹചര്യങ്ങളെ നേരിടുന്നതിന് പങ്കാളിയുടെ തന്മയത്വത്തോടെയുള്ള സമീപനം സഹായകമാകും.

10. മകരക്കൂറ്

(ഉത്രാടം 3/4, തിരുവോണം, അവിട്ടം 1/2)

അനാവശ്യ ഭയം മനസ്സിനെ പിടികൂടാം. നിസ്സാര കാര്യങ്ങൾക്കുപോലും കലഹിക്കുന്ന സ്വഭാവം പ്രകടിപ്പിച്ചേക്കാം; കൂടുതൽ സമയം ജപത്തിനും പ്രാർത്ഥനയ്ക്കുമായി മാറ്റിവെക്കുക. ഉന്നത വ്യക്തികളുമായുള്ള സൗഹൃദം പ്രയോജനപ്പെടുത്തും. ഭക്ഷണത്തിലെ ശ്രദ്ധക്കുറവ് ആരോഗ്യപ്രശ്നങ്ങൾ സൃഷ്ടിച്ചേക്കാം. അനാവശ്യ കൂട്ടുകെട്ടുകളും സംഭാഷണങ്ങളും കാരണം അപമാനം കേൾക്കാൻ സാധ്യതയുള്ളതിനാൽ അതീവ ശ്രദ്ധ പുലർത്തുക.

11. കുംഭക്കൂറ്

(അവിട്ടം 1/2, ചതയം, പൂരുരുട്ടാതി 3/4)

ചെറിയ ചില കഷ്ടപ്പാടുകൾ ഉണ്ടാകാമെങ്കിലും കുടുംബാന്തരീക്ഷം സന്തോഷപ്രദമായിരിക്കും. ബന്ധുക്കളുടെ വീടുകൾ സന്ദർശിക്കും. ചില സുഹൃദ്ബന്ധങ്ങൾ ശരിയായ വഴിക്കല്ലെന്ന് മനസ്സിലാക്കി അതിൽ നിന്ന് പിന്മാറും. തർക്കങ്ങൾ പരിഹരിക്കുന്നതിനായി ഇടനില നിൽക്കരുത്. അമിതവിശ്വാസം കാരണം പ്രശ്നങ്ങൾ ക്ഷണിച്ചുവരുത്തരുത്. നേട്ടങ്ങൾ കൈവരിക്കാൻ അല്പം കാലതാമസം വരുമെങ്കിലും അവസരങ്ങൾ നഷ്ടപ്പെടുത്തരുത്. ദേവാലയങ്ങൾ സന്ദർശിക്കും.

12. മീനക്കൂറ്

(പൂരുരുട്ടാതി 1/4, ഉതൃട്ടാതി, രേവതി)

ശത്രുക്കളുടെ നീക്കങ്ങൾ മുൻകൂട്ടി അറിഞ്ഞ് പ്രവർത്തിക്കുന്നതിനാൽ വലിയ ബുദ്ധിമുട്ടുകൾ ഉണ്ടാകില്ല. വർദ്ധിച്ചുവരുന്ന ഉത്തരവാദിത്തങ്ങൾ ഏറ്റെടുക്കും. ദമ്പതികൾ പരസ്പരം മനസ്സിലാക്കി പ്രവർത്തിക്കും. വിദ്യാർത്ഥികൾക്ക് ഉപരിപഠനത്തിന് അവസരം വന്നുചേരുമെങ്കിലും തടസ്സങ്ങൾ ഒഴിവാക്കാൻ ഈശ്വരപ്രാർത്ഥന വേണം. ആരോടും മാന്യത വിട്ട് സംസാരിക്കുകയോ പെരുമാറുകയോ ചെയ്യരുത്.

🔮 പ്രവചനം തയാറാക്കിയത്:

ജ്യോതിഷി പ്രഭാസീന സി.പി

• 📞 ഫോൺ: 9961442256
• ✉️ Email: prabhaseenacp@gmail.com