ജ്യോതിഷി പ്രഭാസീന തയാറാക്കിയ സമ്പൂർണ മാസഫലം: 2026 സെപ്റ്റംബർ മാസം നിങ്ങൾക്കെങ്ങനെ എന്നറിയാം

സെപ്റ്റംബർ 1 മുതൽ 30 വരെയുള്ള സാമാന്യ ഫലമാണിവിടെ പറയുന്നത്. ഇതിൻ്റെ കൂടെ ജാതകം കൂടി പരിശോധിച്ച് ഗുണദോഷഫലങ്ങൾ വിലയിരുത്തേണ്ടതാണ്.

2026 സെപ്റ്റംബർ മാസത്തെ സമ്പൂർണ്ണ രാശിഫലം

മേടക്കൂറ് (അശ്വതി, ഭരണി, കാർത്തിക 1/4)

മറ്റുള്ളവരെ സഹായിക്കാൻ മുൻപന്തിയിൽ നിൽക്കുന്നതാണ്. കർമ്മ രംഗത്ത് തടസ്സങ്ങൾ ഉണ്ടാകുമെങ്കിലും അവയെ അതിജീവിക്കുവാൻ കഴിയുന്നതാണ്. പഴയ സുഹൃത് ബന്ധം പുതുക്കും. മക്കൾക്ക് വേണ്ടി പണം ചെലവഴിക്കും. ഉദരരോഗത്തിന് സാധ്യതയുള്ളതിനാൽ ഭക്ഷണകാര്യങ്ങളിൽ ശ്രദ്ധിക്കുക. വയോജനങ്ങൾക്ക് വാതസംബന്ധമോ സന്ധിസംബന്ധമോ ആയ അസുഖങ്ങൾക്ക് സാധ്യതയുണ്ട്. ഗൃഹം മോടിപിടിപ്പിക്കുന്നതിന് പണം ചെലവഴിക്കും.

ഇടവക്കൂറ് (കാർത്തിക 3/4, രോഹിണി, മകയിര്യം 1/2)

വാഹന ഉപയോഗം കുറയ്ക്കണം. മുൻകോപം നിയന്ത്രിക്കണം. കുടുംബ കാര്യങ്ങളിൽ കർശന തീരുമാനങ്ങളെടുക്കും. സഹോദരങ്ങളുമായി കലഹത്തിന് സാധ്യതയുണ്ട്. വർഷങ്ങൾക്ക് ശേഷമുള്ള ബന്ധു സമാഗമം പൂർവ്വകാല സ്മരണയ്ക്ക് വഴിയൊരുക്കും. അവസരങ്ങൾ വേണ്ട വിധത്തിൽ വിനിയോഗിച്ചാൽ അർഹതയുള്ള അംഗീകാരം ലഭിക്കും. സഹപ്രവർത്തകരുടെ സഹകരണമുണ്ടാകും.

മിഥുനക്കൂറ് (മകയിര്യം 1/2, തിരുവാതിര, പുണർതം 3/4)

ഉത്സവാഘോഷങ്ങളിൽ പങ്കെടുക്കും. പരിചയക്കാരുടെ സഹായം ലഭിക്കും. പ്രയാസങ്ങളെ മനസ്സിൻ്റെ കരുത്തിൽ അതിജീവിക്കും. ഏഷണികളിൽ വീണ് മനോസുഖം നഷ്ടപ്പെടുത്താതിരിക്കുക. വാക്കുതർക്കങ്ങളിൽ നിന്ന് ഒഴിഞ്ഞുമാറുക. സാമ്പത്തിക അഭിവൃദ്ധിയുണ്ടാകും. ജോലി ഭാരം വർദ്ധിക്കും. മാതാപിതാക്കളുടെ സന്തോഷത്തിനു വേണ്ടി സമയം കണ്ടെത്തും. പ്രണയ ബന്ധത്തിൽ വിള്ളൽ വീഴാൻ സാദ്ധ്യതയുണ്ട്.

കർക്കടകക്കൂറ് (പുണർതം 1/4, പൂയം, ആയില്യം)

തടഞ്ഞുവെച്ച ആനുകൂല്യങ്ങൾ കിട്ടിതുടങ്ങും. പുണ്യ സ്ഥലങ്ങൾ സന്ദർശിക്കാൻ അവസരം കിട്ടും. യാത്രകൾ വേണ്ടി വരും. ദമ്പതികൾക്കിടയിൽ അസ്വാരസ്യങ്ങൾ ഉടലെടുകാതെ നോക്കണം. വരവിനേക്കാൾ ചിലവ് അധികരിക്കും. സ്വന്തം ചുമതലകൾ മറന്ന് പ്രവർത്തിക്കുന്നതിനാൽ കഷ്ടനഷ്ടങ്ങൾ വന്നുചേരും. വിദ്യാർത്ഥികൾ പഠന കാര്യങ്ങളിൽ അശ്രദ്ധരാകാൻ സാദ്ധ്യതയുണ്ട്. അറിവുള്ളവരെ അനുസരിക്കുന്നതിൽ ആത്മസംതൃപ്‌തിയുണ്ടാകും.

ശേഷം അടുത്ത പേജിൽ (Page 2)