ജ്യോതിഷി പ്രഭാസീന തയാറാക്കിയ സമ്പൂർണ മാസഫലം: 1202 തുലാമാസം നിങ്ങൾക്കെങ്ങനെ എന്നറിയാം

ചിങ്ങക്കൂറ് (മകം, പൂരം, ഉത്രം 1/4)

കുടുംബത്തിൽ സന്തോഷവും സമാധാനവും തിരികെ ലഭിക്കുന്ന തികച്ചും അനുകൂലമായ മാസമാണിത്. വീടുപണിക്കുള്ള യോഗവും വരുമാന വർദ്ധനവും കാണുന്നുണ്ട്. സന്താനങ്ങളുടെ വിദ്യാഭ്യാസപരമായ ഉയർച്ചയും അവരുടെ നേട്ടങ്ങൾ മൂലമുള്ള ഖ്യാതിയും സന്തോഷം നൽകും. മുടങ്ങിക്കിടന്ന കാര്യങ്ങളെല്ലാം പുനരാരംഭിക്കാനും ആത്മവിശ്വാസത്തോടെ പൂർത്തിയാക്കാനും സാധിക്കും. ബുദ്ധിപരമായ തീരുമാനങ്ങളിലൂടെ പല നേട്ടങ്ങളും സ്വന്തമാക്കാൻ കഴിയുന്ന നല്ലൊരു കാലയളവാണിത്.

കന്നിക്കൂറ് (ഉത്രം 3/4, അത്തം, ചിത്തിര 1/2)

അലസതയും ഉദാസീനതയും കാരണം ചെയ്യേണ്ട കാര്യങ്ങൾ സമയത്തു പൂർത്തിയാക്കാൻ കഴിയാതെ വരും. ബിസിനസ്സിൽ കൂട്ടുപങ്കാളികളുമായി അഭിപ്രായവ്യത്യാസങ്ങൾക്കോ അപ്രതീക്ഷിത ധനനഷ്ടത്തിനോ സാധ്യതയുണ്ട്. ബന്ധുക്കളുടെ പെരുമാറ്റം മനസ്സിനെ വിഷമിപ്പിച്ചേക്കാം. പരുക്കൻ സംസാ രീതി ഒഴിവാക്കിയില്ലെങ്കിൽ നല്ല സുഹൃത്തുക്കളെ നഷ്ടപ്പെടാൻ ഇടയായേക്കും.

തുലാക്കൂറ് (ചിത്തിര 1/2, ചോതി, വിശാഖം 3/4)

ദാമ്പത്യ ജീവിതത്തിൽ വിട്ടുവീഴ്ചകൾ ചെയ്യേണ്ടിവരുന്ന സമയമാണിത്. സ്വന്തം സ്വാർത്ഥതാല്പര്യങ്ങൾക്ക് വേണ്ടി ഉറ്റ സുഹൃത്തുക്കളെ തള്ളിപ്പറയുന്ന സാഹചര്യം ഒഴിവാക്കണം. ഉദരസംബന്ധമായ രോഗങ്ങൾ അലട്ടിയേക്കാം. അനാവശ്യ ആരോപണങ്ങൾ നേരിടേണ്ടി വരികയും സഹോദരങ്ങളിൽ നിന്ന് എതിർപ്പുകൾ ഉണ്ടാവുകയും ചെയ്തേക്കാം. സ്വന്തം ആത്മാർത്ഥത ചോദ്യം ചെയ്യപ്പെടുന്നു എന്ന തോന്നൽ ഉണ്ടാകാമെന്നതിനാൽ വഞ്ചിക്കപ്പെടാതിരിക്കാൻ എല്ലാ കാര്യങ്ങളിലും അതീവ ശ്രദ്ധ പുലർത്തണം.

വൃശ്ചികക്കൂറ് (വിശാഖം 1/4, അനിഴം, തൃക്കേട്ട)

സാമ്പത്തിക ബാധ്യതകളും കടങ്ങളും ഉണ്ടാക്കുന്ന പ്രവർത്തികളിൽ നിന്ന് വിട്ടുനിൽക്കേണ്ടതുണ്ട്. സ്വന്തം തെറ്റുകൊണ്ടല്ലാതെ തന്നെ മറ്റുള്ളവരിൽ നിന്നുള്ള എതിർപ്പുകൾ നേരിടേണ്ടി വന്നേക്കാം. വ്യക്തിബന്ധങ്ങളും സഹപ്രവർത്തകരുമായുള്ള ബന്ധവും നിലനിർത്താൻ വിട്ടുവീഴ്ചകൾ അത്യാവശ്യമാണ്. അഗ്നിഭയത്തിന് സാധ്യതയുള്ളതിനാൽ ശ്രദ്ധിക്കുക. അനാവശ്യ കൂട്ടുകെട്ടുകൾ ഒഴിവാക്കണം. ഈശ്വരാനുഗ്രഹം ഉള്ളതിനാൽ വരുന്ന പ്രതിസന്ധികളെ തരണം ചെയ്യാൻ സാധിക്കും.

ശേഷം അടുത്ത പേജിൽ (Page 3)