ജ്യോതിഷി പ്രഭാസീന തയാറാക്കിയ സമ്പൂർണ മാസഫലം: 1202 കന്നിമാസം നിങ്ങൾക്കെങ്ങനെ എന്നറിയാം

5. ചിങ്ങക്കൂറ് (മകം, പൂരം, ഉത്രം 1/4)

• ശ്രദ്ധിക്കേണ്ട കാര്യങ്ങൾ: പ്രത്യക്ഷമായും പരോക്ഷമായും വേണ്ടപ്പെട്ടവർ തന്നെ എതിരാളികളായിത്തീരാം. ചെയ്യാത്ത കുറ്റത്തിന് അപരാധം കേൾക്കേണ്ടി വരാം. നിശ്ചയിച്ചുറപ്പിച്ച കാര്യങ്ങൾക്ക് കാലതാമസവും തടസ്സങ്ങളും വന്നുചേരും. ദമ്പതികൾക്കിടയിൽ വിട്ടുവീഴ്ചാ മനോഭാവം നിർബന്ധമാണ്. സഹോദരങ്ങളുമായി പിണക്കം ഒഴിവാക്കുക. കീഴ്ജീവനക്കാർ വരുത്തിവെച്ച അബദ്ധങ്ങൾ തിരുത്താൻ കൂടുതൽ സമയം ജോലി ചെയ്യേണ്ടി വരും.

6. കന്നിക്കൂറ് (ഉത്രം 3/4, അത്തം, ചിത്തിര 1/2)

• ശ്രദ്ധിക്കേണ്ട കാര്യങ്ങൾ: അനാവശ്യമായ അഭിപ്രായ സംഘട്ടനങ്ങൾ ഗൃഹാന്തരീക്ഷം മോശമാക്കും. വെട്ടിത്തുറന്നുള്ള അഭിപ്രായ പ്രകടനങ്ങളും ഊഹാപോഹങ്ങളും പ്രലോഭനങ്ങളും ഒഴിവാക്കുക. രോഗകാര്യങ്ങളിൽ കൂടുതൽ ശ്രദ്ധ നൽകിയില്ലെങ്കിൽ ദൂരവ്യാപകമായ ദോഷഫലങ്ങൾ ഉണ്ടായേക്കാം. മുൻകോപം നിയന്ത്രിക്കുക. അർഹമായ അംഗീകാരത്തിന് കാലതാമസമുണ്ടാകും. ജോലി മാറുന്നവർ അതീവ ശ്രദ്ധ പുലർത്തുക.

7. തുലാക്കൂറ് (ചിത്തിര 1/2, ചോതി, വിശാഖം 3/4)

• ശ്രദ്ധിക്കേണ്ട കാര്യങ്ങൾ: വിവേചന ബുദ്ധിയും പ്രവൃത്തിപരിചയവുമില്ലാതെ പ്രവർത്തിച്ചാൽ പരാജയം ഫലമാകും. കേസുകളിലെ കാലതാമസം അസ്വസ്ഥതകൾ സൃഷ്ടിക്കാം. ആരോഗ്യ കാര്യങ്ങളിൽ നല്ല ശ്രദ്ധ വേണം. യുക്തമായ തീരുമാനങ്ങൾക്കായി ജീവിതപങ്കാളിയുടെ നിർദ്ദേശം സ്വീകരിക്കുക. ആത്മീയ പ്രഭാഷണങ്ങൾ കേൾക്കുന്നത് മനസ്സിന് ശാന്തി നൽകും. ബന്ധുക്കളുമായും പരിസരവാസികളുമായും കലഹം ഒഴിവാക്കുക. യാത്രകളും ആർഭാടങ്ങളും കഴിവതും കുറയ്ക്കുക.

8. വൃശ്ചികക്കൂറ് (വിശാഖം 1/4, അനിഴം, തൃക്കേട്ട)

• അനുകൂല ഫലങ്ങൾ: വിദ്യാർത്ഥികൾക്ക് ഉത്സാഹവും ഉൻമേഷവും പരീക്ഷയിൽ വിജയവും ഉദ്യോഗഭാഗ്യവും ഉണ്ടാകും. നിരവധി കാര്യങ്ങൾ നിശ്ചിത സമയത്തിനുള്ളിൽ ചെയ്തു തീർക്കാം. ശത്രുതാ മനോഭാവത്തിലായിരുന്നവർ അനുകൂലമായി മാറും. വസ്തുതർക്കം രമ്യമായി പരിഹരിക്കപ്പെടും. കലാകായിക മത്സരങ്ങൾക്കുള്ള പരിശീലനം ആരംഭിക്കും. സാമ്പത്തിക പുരോഗതി ഉണ്ടാകുന്നതിനാൽ ഗൃഹനിർമ്മാണം പുനരാരംഭിക്കാം. മുടങ്ങിക്കിടന്ന ഔദ്യോഗിക സ്ഥാനമാനങ്ങളും ആനുകൂല്യങ്ങളും മുൻകാല പ്രാബല്യത്തോടെ ലഭിക്കും.

ശേഷം അടുത്ത പേജിൽ (Page 3)