ദിവസഫലം: ജ്യോതിഷവശാൽ നിങ്ങളുടെ ഇന്ന്‌ (2026 സെപ്തംബർ 30, ബുധൻ) എങ്ങനെ എന്നറിയാം

9. ധനു (Sagittarius – മൂലം, പൂരടം, ഉത്രാടം 1/4)

ധനുരാശിക്കാർക്ക് ഇന്ന് അഞ്ചാം ഭാവത്തിലെ ചന്ദ്രസ്ഥിതി ക്രിയാത്മക ചിന്തകൾക്കും ബുദ്ധിപരമായ തീരുമാനങ്ങൾക്കും വഴിയൊരുക്കും. ബിസിനസ്സിലും ജോലിയും നിങ്ങൾ എടുക്കുന്ന തന്ത്രപരമായ തീരുമാനങ്ങൾ കനത്ത സാമ്പത്തിക നേട്ടം തരും. കല, സാഹിത്യം, ഗവേഷണം എന്നീ മേഖലകളിൽ പ്രവർത്തിക്കുന്നവർക്ക് പൊതുജന അംഗീകാരവും പുതിയ അവസരങ്ങളും ലഭിക്കും. സാമ്പത്തിക സ്ഥിതി മെച്ചപ്പെടും; ഓഹരി വിപണിയിലോ നിക്ഷേപങ്ങളിലോ താല്പര്യമുള്ളവർക്ക് വിദഗ്ദ്ധോപദേശത്തോടെ മുന്നോട്ട് പോകാം. സന്താനങ്ങളുടെ പഠന പുരോഗതിയും വിജയങ്ങളും കുടുംബത്തിൽ സന്തോഷ അന്തരീക്ഷം സൃഷ്ടിക്കും. പ്രണയബന്ധങ്ങളിൽ നല്ല മുന്നേറ്റമുണ്ടാകും. ഉറ്റസുഹൃത്തുക്കളിൽ നിന്ന് പിന്തുണ ലഭിക്കും. ശാരീരികവും മാനസികവുമായ ആരോഗ്യം മികച്ച നിലയിലായിരിക്കും. ശ്രീരാമസ്വാമിയെ ധ്യാനിക്കുന്നതും വിഷ്ണു അഷ്ടോത്തരം ജപിക്കുന്നതും വിഷ്ണു ക്ഷേത്രത്തിൽ വഴിപാടുകൾ നടത്തുന്നതും നിങ്ങളുടെ എല്ലാ ആഗ്രഹങ്ങളും സഫലമാക്കാൻ സഹായിക്കും.

10. മകരം (Capricorn – ഉത്രാടം 3/4, തിരുവോണം, അവിട്ടം 1/2)

മകരരാശിക്കാർക്ക് ഇന്ന് നാലാം ഭാവത്തിലൂടെയുള്ള ചന്ദ്രസഞ്ചാരം ഗൃഹസൗഖ്യവും മനഃശാന്തിയും പ്രധാനം ചെയ്യും. പുതിയ വീട്, വാഹനം അല്ലെങ്കിൽ വസ്തുവകകൾ വാങ്ങാൻ ആഗ്രഹിക്കുന്നവർക്ക് അതിനുള്ള പ്രാരംഭ ചർച്ചകൾ നടത്താൻ അനുയോജ്യമായ ദിവസമാണിത്. ഔദ്യോഗിക രംഗത്ത് സമാധാനപരമായ അന്തരീക്ഷവും ജോലികളിൽ സ്ഥിരതയും അനുഭവപ്പെടും. ബിസിനസ്സിൽ നിന്ന് പ്രതീക്ഷിച്ച ലാഭം കൈവരിക്കും. ഗൃഹത്തിൽ അറ്റകുറ്റപ്പണികളോ മനോഹരമാക്കലോ നടക്കാൻ സാധ്യതയുണ്ട്. മാതാവിന്റെ ആരോഗ്യം ഗണ്യമായി മെച്ചപ്പെടുകയും അവരുമായുള്ള ബന്ധം കൂടുതൽ ആഴമുള്ളതാവുകയും ചെയ്യും. കുടുംബാംഗങ്ങളുമൊത്ത് സന്തോഷകരമായ സമയം ചെലവഴിക്കാൻ സാധിക്കും. ആരോഗ്യനില തൃപ്തികരമാണ്. ഉന്മേഷത്തോടെ എല്ലാ കാര്യങ്ങളും ചെയ്തു തീർക്കും. വിഘ്നങ്ങൾ നീങ്ങി എല്ലാ ഉദ്യമങ്ങളും വിജയിക്കാൻ ഗണപതി ഭഗവാന് നാളികേരമുടയ്ക്കുന്നതും കറുക ഹോമം നടത്തുന്നതും ഉത്തമമാണ്.

11. കുംഭം (Aquarius – അവിട്ടം 1/2, ചതയം, പൂരൂരുട്ടാതി 3/4)

കുംഭരാശിക്കാർക്ക് ഇന്ന് മൂന്നാം ഭാവത്തിലെ ചന്ദ്രന്റെ സാന്നിധ്യം കാരണം ആത്മവിശ്വാസവും ധൈര്യവും ഇരട്ടിക്കും. മനസ്സിൽ വിചാരിച്ച കാര്യങ്ങൾ വേഗത്തിൽ നടപ്പിലാക്കാൻ സാധിക്കും. നിർത്തിവെച്ച പദ്ധതികൾ പുനരാരംഭിക്കുകയും പുതിയ സംരംഭങ്ങൾക്ക് തുടക്കം കുറിക്കുകയും ചെയ്യും. സഹോദരങ്ങളിൽ നിന്നും അടുത്ത സുഹൃത്തുക്കളിൽ നിന്നും വലിയ പിന്തുണ ലഭിക്കും. തൊഴിൽപരമായ യാത്രകൾ ചെയ്യേണ്ടി വരുമെങ്കിലും അവ വലിയ സാമ്പത്തിക ലാഭം പ്രധാനം ചെയ്യും. ഉദ്യോഗസ്ഥർക്ക് സ്ഥാനക്കയറ്റത്തിനോ ശമ്പള വർദ്ധനവിനോ ഉള്ള സാഹചര്യങ്ങൾ ഉണ്ടാകും. സാമ്പത്തിക ഇടപാടുകൾ ലാഭകരമായി മാറും. കുടുംബത്തിൽ ഐക്യവും സ്നേഹവും നിലനിൽക്കും. ആരോഗ്യം വളരെ മികച്ചതായിരിക്കും, പഴയ ക്ഷീണം മാറി ഉന്മേഷം കൈവരിക്കും. ഇന്ന് ഹനുമാൻ സ്വാമിയെ ധ്യാനിക്കുന്നതും ഹനുമാൻ ചാലീസ ജപിക്കുന്നതും ഹനുമാൻ സ്വാമിക്ക് വെറ്റില മാല സമർപ്പിക്കുന്നതും സർവ്വ കാര്യവിജയത്തിനും മനോധൈര്യത്തിനും വഴിതെളിക്കും.

12. മീനം (Pisces – പൂരൂരുട്ടാതി 1/4, ഉത്രട്ടാതി, രേവതി)

മീനരാശിക്കാർക്ക് ഇന്ന് രണ്ടാം ഭാവത്തിലെ ഗ്രഹാനുകൂല്യം നിമിത്തം സാമ്പത്തിക നേട്ടങ്ങളും വാക്സാമർത്ഥ്യത്തിലൂടെയുള്ള വിജയങ്ങളും കൈവരും. നിങ്ങളുടെ വാക്കുകൾക്ക് പൊതുസമൂഹത്തിലും കുടുംബത്തിലും കനത്ത പ്രാധാന്യം ലഭിക്കും. മുൻപ് മറ്റുള്ളവർക്ക് നൽകിയ കടങ്ങളും കുടിശ്ശികകളും തിരികെ ലഭിക്കുന്നത് ധനസ്ഥിതി ശക്തമാക്കും. ബിസിനസ്സിൽ വലിയ വളർച്ച പ്രതീക്ഷിക്കാം. തൊഴിൽ രംഗത്തുണ്ടായിരുന്ന അനിശ്ചിതത്വങ്ങൾ നീങ്ങി കാര്യങ്ങൾ അനുകൂലമായി മാറും. ബന്ധുജനങ്ങളുടെ സമാഗമവും സ്വാദിഷ്ടമായ ഭക്ഷണയോഗവും ഉണ്ടാകും. കുടുംബത്തിൽ സന്തോഷവും സമാധാനവും ഉണ്ടാകും. നിങ്ങളുടെ ആസൂത്രണം ദീർഘകാല നിക്ഷേപങ്ങൾക്ക് വഴിതുറക്കും. ആരോഗ്യനില സുരക്ഷിതമായിരിക്കും. എങ്കിലും ആഹാരക്രമത്തിൽ അല്പം ശ്രദ്ധിക്കുന്നത് നല്ലതാണ്. വിഷ്ണു ക്ഷേത്രത്തിൽ ദർശനം നടത്തുകയും മഹാവിഷ്ണുവിന് പാൽപായസം വഴിപാടായി സമർപ്പിക്കുകയും ചെയ്യുന്നത് ഐശ്വര്യവും സർവ്വ സമൃദ്ധിയും തരും.