സമ്പൂർണ മാസഫലം: 1201 കർക്കടകമാസം നിങ്ങൾക്കെങ്ങനെ എന്നറിയാം

ചിങ്ങക്കൂറ് (മകം, പൂരം, ഉത്രം 1/4): ഈ മാസം സംസാരിക്കുമ്പോൾ തികഞ്ഞ സ്വാത്വികഭാവവും നിയന്ത്രണവും കൊണ്ടുവരാൻ പ്രത്യേകം ശ്രദ്ധിക്കുക. പല കാര്യങ്ങളിലും സ്വജനങ്ങളിൽ നിന്നും വിപരീത പ്രതികരണങ്ങൾ വന്നുചേരും. അഹംഭാവം ഉപേക്ഷിക്കേണ്ടത് അനിവാര്യമാണ്. ഏതൊരു കാര്യത്തിനും കൂടുതൽ അധ്വാനവും പ്രയത്നവും യാത്രാക്ലേശവും പരസഹായവും വേണ്ടി വരും. വ്യർത്ഥമായ വ്യാമോഹങ്ങളെ ഒഴിവാക്കണം. ഭൂമി സംബന്ധമായ തർക്കങ്ങൾ ഉണ്ടാകാതെ നോക്കണം. സാഹചര്യങ്ങൾക്കനുസരിച്ച് സ്വയംപര്യാപ്തത ആർജിക്കുവാൻ നിർബന്ധിതനാകും. യാതൊരു കാരണവുമില്ലാതെ അസൂയാലുക്കൾ വർദ്ധിക്കാൻ സാധ്യതയുള്ള സമയമാണിത്.

കന്നിക്കൂറ് (ഉത്രം 3/4, അത്തം, ചിത്തിര 1/2): തൊഴിൽ നേട്ടത്തിനും പുരോഗതിക്കും സാധ്യതയുള്ള അനുകൂല കാലമാണിത്. വിഭാവനം ചെയ്ത പദ്ധതികൾ പ്രാവർത്തികമാക്കുവാനും പുതിയ ഭരണ സംവിധാനം അവലംബിക്കുവാനും സാധിക്കും. നിരവധി കാര്യങ്ങൾ നിശ്ചിത സമയപരിധിക്കുള്ളിൽ ചെയ്തു തീർക്കും. ഏറെ കാലമായി അനുഭവിച്ചു കൊണ്ടിരിക്കുന്ന രോഗത്തിന് ശമനം വരേണ്ട കാലമാണ്. പുതിയ സുഹൃദ്ബന്ധങ്ങൾ ലഭിക്കും. പണമിടപാട് രംഗത്ത് സാമ്പത്തിക നേട്ടം ഉണ്ടാകും. ഗൃഹത്തിൽ ബന്ധുജനങ്ങളുടെ സമാഗമം ഉണ്ടാകും.

തുലാക്കൂറ് (ചിത്തിര 1/2, ചോതി, വിശാഖം 3/4): കുടുംബത്തിൽ മംഗള കർമ്മങ്ങൾ നടക്കാൻ വലിയ സാധ്യത കാണുന്നു. സന്താനങ്ങളുമായി ഒത്തുചേരാനും ഒന്നിച്ചു താമസിക്കുവാനുള്ള അവസരം ലഭിക്കും. ഉദ്യോഗാർത്ഥികൾക്ക് തൊഴിലന്വേഷണത്തിന് ഏറ്റവും അനുയോജ്യമായ സമയമാണിത്. വിവാഹകാര്യങ്ങളിൽ പുരോഗതി ഉണ്ടാകും. ഗൃഹത്തിലെ സുഖസൗകര്യങ്ങൾ വർദ്ധിക്കും. പിരിഞ്ഞിരുന്ന സുഹൃത്തുക്കൾ തമ്മിൽ വളരെ നാളുകൾക്കു ശേഷം ഒത്തു ചേരും. മാതാപിതാക്കളിൽ നിന്ന് നിർല്ലോഭമായ സഹായവും സഹകരണവും ഉണ്ടാകും.

വൃശ്ചികക്കൂറ് (വിശാഖം 1/4, അനിഴം, തൃക്കേട്ട): വിദ്യാർത്ഥികൾ അലസതയും ശ്രദ്ധക്കുറവും ഉണ്ടാകാതെ പഠനകാര്യങ്ങളിൽ പ്രത്യേകം സൂക്ഷിക്കണം. പ്രത്യേക കാരണങ്ങൾ കൂടാതെ മാനസിക പിരിമുറുക്കം വർദ്ധിക്കാൻ സാധ്യതയുണ്ട്; ഇത് കുറയ്ക്കാൻ കൂടുതൽ സമയം ജപം ചെയ്യുക. ജോലിയിൽ ഉത്തരവാദിത്തങ്ങൾ വർദ്ധിക്കുന്നതിനാൽ കർമ്മരംഗത്ത് കൂടുതൽ ശ്രദ്ധ ആവശ്യമായി വരും. ഉദരസംബന്ധമായ അസുഖങ്ങൾ വരാൻ സാധ്യതയുള്ളതിനാൽ ശ്രദ്ധിക്കുക. അല്പം ശാരീരിക അസ്വസ്ഥതകളും മടി പോലുള്ള അവസ്ഥകളും ഉണ്ടാകാം. അടുത്ത ചില സുഹൃത്തുക്കളുമായി അഭിപ്രായവ്യത്യാസം ഉണ്ടാവാനും അത് വിരോധത്തിന് ഇടയാക്കുമെന്നതിനാൽ സംസാരത്തിൽ നിയന്ത്രണം പാലിക്കുക.

ശേഷം അടുത്ത പേജിൽ (Page 3)