Staff Reporter
പ്രമുഖ സീരിയല്‍ നടൻ രമേശ് വലിയശാല അന്തരിച്ചു. ഇന്ന് പുലര്‍ച്ചയോടെ വീടിനുള്ളിൽ തൂങ്ങി മരിച്ച നിലയിൽ കാണപ്പെടുകയായിരുന്നു.
മരണ കാരണം വ്യക്തമല്ല. രമേശിന്റെ മകൻ കാനഡയിലാണ്‌. ഈ മാസം 13നു മകൻ വന്ന ശേഷമേ സംസ്കാരം സംബന്ധിച്ച കാര്യങ്ങളിലേക്ക്‌ കടക്കുകയുള്ളൂ. അതുവരെ മൃതദേഹം മെഡിക്കൽ കോളേജ് മോർച്ചറിയിൽ സൂക്ഷിക്കുമെന്ന് അദ്ദേഹത്തോട്‌ അടുത്ത വൃത്തങ്ങൾ സൂചിപ്പിച്ചു.
സീരിയലിനു പുറമെ കണ്ണൻ താമരക്കുളം സംവിധാനം ചെയ്യുന്ന വരാൻ എന്ന സിനിമയിൽ അഭിനയിച്ചു കൊണ്ടിരിക്കെയാണ്‌ രമേശ് വലിയശാലയെ വീടിനുള്ളിൽ മരിച്ച നിലയിൽ കണ്ടെത്തിയത്‌.
നാടകരംഗത്തൂടെ കലാരംഗത്ത് എത്തിയ രമേശ് വലിയശാല മലയാള സീരിയില്‍ രംഗത്തെ ഏറ്റവും തിരക്കുള്ള നടൻമാരില്‍ ഒരാളായിരുന്നു. 22 വര്‍ഷത്തോളമായി സീരിയല്‍ രംഗത്ത് ഉള്ള നടനാണ് രമേശ് വലിയശാല. ഗവണ്‍മെന്റ് മോഡല്‍ സ്‍കൂളിലാണ് വിദ്യാഭ്യാസം.തിരുവനന്തപുരം ആര്‍ട്‍സ് കോളേജില്‍ പഠിക്കവെയാണ് നാടകത്തില്‍ സജീവമായത്. കോളേജ് പഠനത്തിന് ശേഷം മിനിസ്‍ക്രീനിന്റെയും ഭാഗമായി.
