കോവിഡ് കേസുകള് വര്ധിക്കുന്ന സാഹചര്യത്തില് രാജ്യത്ത് ആശങ്ക ഉയരുന്നു. വീണ്ടുമൊരു കോവിഡ് തരംഗത്തെ നേരിടാന് ആരോഗ്യവകുപ്പ് സജ്ജമായിരിക്കുകയാണ്. അതീവ ജാഗ്രത വേണമെന്നാണ് സംസ്ഥാനങ്ങള്ക്ക് കേന്ദ്രം നല്കിയിരിക്കുന്ന മുന്നറിയിപ്പ്. സജീവ കേസുകളുടെ എണ്ണം 35199 ആയി. പ്രതിദിന പോസിറ്റിവിറ്റി നിരക്ക് 6.91 ശതമാനമാണ്. പ്രതിവാര പോസിറ്റിവിറ്റി നിരക്ക് 3.67 ശതമാനം.
കേരളത്തില് കോവിഡ് കേസുകള് ഉയരുന്നു. ഏത് സാഹചര്യവും നേരിടാന് സജ്ജമായിരിക്കണമെന്ന് കേന്ദ്ര ആരോഗ്യമന്ത്രാലയം കേരളം അടക്കമുള്ള സംസ്ഥാനങ്ങള്ക്ക് നിര്ദേശം നല്കി. ഗര്ഭിണികളും പ്രായമായവരും രോഗികളും പുറത്തുപോകുമ്പോള് നിര്ബന്ധമായും മാസ്ക് ധരിക്കണം. കോവിഡ് മരണം കൂടുതലും റിപ്പോര്ട്ട് ചെയ്യുന്നത് 60 വയസിന് മുകളിലുള്ളവരിലും പ്രമേഹം, രക്തസമ്മര്ദം തുടങ്ങിയ ജീവിതശൈലി രോഗമുള്ളവരിലുമാണ്. പുറത്ത് പോകുമ്പോള് നിര്ബന്ധമായും വായും മൂക്കും മൂടത്തക്ക വിധം മാസ്ക് ധരിക്കണം.
പ്രായമുള്ളവരും മറ്റസുഖമുള്ളവരും വീട്ടിലുണ്ടെങ്കില് പുറത്തുപോയി വരുന്ന മറ്റുള്ളവരും വളരെയധികം ശ്രദ്ധിക്കണം. അവര് കോവിഡ് മാര്ഗനിര്ദേശങ്ങള് കൃത്യമായി പാലിക്കണം. പുറത്ത് പോകുമ്പോള് അവരും മാസ്ക് കൃത്യമായി ധരിക്കണം. കൈകള് സോപ്പും വെള്ളവുമുപയോഗിച്ച് കഴുകാതെ അവര് ഇത്തരം വിഭാഗക്കാരുമായി അടുത്തിടപഴകരുത്. ആള്ക്കൂട്ടത്തില് പോകുന്ന എല്ലാവരും മാസ്ക് ധരിക്കുന്നതാണ് നല്ലത്. ഇടയ്ക്കിടയ്ക്ക് കൈകള് സാനിറ്റൈസറോ സോപ്പും വെള്ളവും ഉപയോഗിച്ചോ കൈകള് ശുചിയാക്കേണ്ടതാണ്.
YOU MAY ALSO LIKE THIS VIDEO, ഇതാ കേരളത്തിലെ ഏറ്റവും വലിയ പ്ലാവിൻതോട്ടം, 13 ഇനങ്ങളിലായി 500ൽപരം പ്ലാവുകൾ, Tapovan Jacks, Veliyam
YOU MAY ALSO LIKE THIS VIDEO, Ningalkkariyamo? | കൊല്ലത്തു നിന്നും ടിക്കറ്റെടുത്ത് ശ്രീലങ്കയ്ക്ക് പോകാമായിരുന്ന ബോട്ട് മെയിൽ എക്സ്പ്രസ് ട്രെയിനു സംഭവിച്ച ആ വലിയ ദുരന്തത്തിന്റെ കഥ
