ചൊവ്വയ്ക്കൊപ്പം വ്യാഴവും മീനം രാശിയിൽ: ഇക്കുറി വമ്പൻ നേട്ടങ്ങളുണ്ടാകാൻ പോകുന്നത്‌ ഈ നാളുകാർക്ക്‌

ഗ്രഹങ്ങളുടെ രാശിമാറ്റം പോലെ തന്നെ ഗ്രഹങ്ങളുടെ സംയോജനവും ജ്യോതിഷ പ്രകാരം മനുഷ്യ ജീവിതത്തിൽ പ്രത്യേക സ്വാധീനം ചെലുത്തുന്നുണ്ട്. ഒരു ജാതകത്തിലോ രാശിയിലോ ഏതെങ്കിലും രണ്ടോ അതിലധികമോ ഗ്രഹങ്ങൾ ഒരുമിച്ച് നിൽക്കുമ്പോൾ, ഈ അവസ്ഥയെ ഗ്രഹങ്ങളുടെ സംയോജനം എന്ന് വിളിക്കുന്നു.

മെയ് 17 മുതൽ മീനരാശിയിൽ വ്യാഴത്തിന്റെയും ചൊവ്വയുടെയും കൂടിച്ചേരൽ ഉണ്ടായിരിക്കുന്നു. വ്യാഴം മറ്റേതെങ്കിലും ഗ്രഹവുമായി കൂടിച്ചേരുമ്പോൾ അതിലൂടെ രൂപം കൊള്ളുന്ന യോഗങ്ങൾ മിക്കവാറും ശുഭകരമാണ്. അടുത്ത മാസം ജൂൺ 27 വരെ ഈ ചൊവ്വ-ഗുരു സംയോഗം തുടരും. കാരണം ജൂൺ 27 ന് ചൊവ്വ മീനം വിട്ട് മേടത്തിൽ പ്രവേശിക്കും. ഈ സംയോജന സമയത്ത്‌ വമ്പൻ നേട്ടങ്ങളുണ്ടാകാൻ പോകുന്നത്‌ ഏതൊക്കെ നാളുകാർക്കാണെന്ന് അറിയാം.

മിഥുനം (മകയിരം 1/2, തിരുവാതിര, പുണര്‍തം 3/4)
മിഥുനം രാശിക്കാർക്ക് കരിയറിൽ മികച്ച വിജയം ലഭിക്കും. ആഗ്രഹിച്ച ജോലി നേടുന്നതിൽ നിങ്ങൾ വിജയിക്കും. കഠിനാധ്വാനത്തിന്റെ പൂർണ ഫലം ലഭിക്കാനുള്ള സാധ്യതകളുണ്ട്.

കര്‍ക്കിടകം (പുണര്‍തം 1/4, പൂയം, ആയില്യം)
ഈ രാശിക്കാർക്ക് ജീവിതത്തിൽ ഭാ​ഗ്യം വന്ന് ചേരും. വ്യത്യസ്ത മാർഗങ്ങളിലൂടെ നിങ്ങൾക്ക് പണം സമ്പാദിക്കാൻ കഴിയും. സാമ്പത്തിക സ്ഥിതി പഴയതിനേക്കാൾ ശക്തമാകും. ജീവിതത്തിൽ സന്തോഷവും ഐശ്വര്യവും ഉണ്ടാകും.

ധനു (മൂലം, പൂരാടം, ഉത്രാടം 1/4)
ധനു രാശിക്കാർക്ക് സ്ഥാനക്കയറ്റത്തിനുള്ള സാധ്യത കാണുന്നുണ്ട്. ശമ്പളത്തിൽ ഗണ്യമായ വർദ്ധനവ് ഉണ്ടാകാം. തടഞ്ഞുവച്ച പണം തിരികെ ലഭിക്കും. ജോലിസ്ഥലത്ത് നിങ്ങളുടെ ജോലി വളരെ വിലമതിക്കപ്പെടും.

മീനം (പൂരൂരുട്ടാതി1/4, ഉത്രട്ടാതി, രേവതി)
ജോലിസ്ഥലത്ത് നിങ്ങൾക്ക് നല്ല പേര് ലഭിക്കും. സമ്പത്ത് വർദ്ധിപ്പിക്കുന്നതിൽ നിങ്ങൾ വിജയിക്കും. ഒന്നിലധികം മാധ്യമങ്ങളിലൂടെ വരുമാനം നേടാം. സമൂഹത്തിൽ നിങ്ങളുടേതായ വ്യക്തിത്വം ഉണ്ടാക്കാൻ കഴിയും.

ഈ ​ഗ്രഹങ്ങളുടെ സംയോജന സമയത്ത് ഇക്കാര്യങ്ങൾ ചെയ്യുക
വ്യാഴം-ചൊവ്വ ചേരുന്ന യോഗ വളരെ ശുഭകരമായി കണക്കാക്കപ്പെടുന്നു. ഈ സമയത്ത്, ഇടയ്ക്കിടെ ദാനധർമ്മങ്ങൾ ചെയ്യുന്നത് അഭികാമ്യമാണ്. അങ്ങനെ ചെയ്യുന്നതിലൂടെ ജീവിതത്തിൽ സന്തോഷവും ഐശ്വര്യവും കൈവരുമെന്നും ജാതകത്തിൽ ഗുരുവിന്റെയും ചൊവ്വയുടെയും സ്ഥാനം ശക്തിപ്പെടുത്തുമെന്നും വിശ്വസിക്കപ്പെടുന്നു.

YOU MAY ALSO LIKE THIS VIDEO, ഫ്രൂട്ട്‌ മരങ്ങൾ, 70 ഔഷധച്ചെടികൾ, വീട്ടിലേക്ക്‌ ആവശ്യമായ എല്ലാ പച്ചക്കറിയും കൂടാതെ തെങ്ങും വാഴയും ആടും കോഴിയും താറാവും മീനും കാടയും തേനീച്ചയും മുയലും എല്ലാം ടെറസിൽ: ഇതാണ്‌ പാലാരിവട്ടത്തെ ആ അത്ഭുത ടെറസ്‌ കൃഷി