16
October, 2018
Tuesday
12:56 PM
banner
banner
banner

ഷൂട്ടിംഗ് സെറ്റിൽ വച്ച് നായികയെ പേരു പറഞ്ഞ് വിളിച്ച അസിസ്റ്റന്റ് ഡയറക്ടറോട് മമ്മൂട്ടി ചെയ്തത്!

മലയാളികൾക്ക് എന്നും പ്രീയപ്പെട്ട നിത്യ ഹരിത നായിക എന്നൊക്കെ വിശേഷിപ്പിക്കാവുന്ന ഒരു നടിയാണ് മേനക സുരേഷ്. മേനക അഭിനയിച്ച സിനിമകൾ ഒക്കെയും മലയാളിയ്ക്ക് ഇന്നും പ്രീയപ്പെട്ടത് ആണ്.

അതിനുള്ള കാരണവും മേനകയുടെ സ്വതസിദ്ധമായ അഭിനയ മികവ് തന്നെയാണ്. മലയാളത്തിലെ താരരാജാക്കന്മാർക്കൊപ്പം അഭിനയിച്ചിട്ടുള്ള മേനകയ്ക്ക് മോഹൻലാലിനെയും മമ്മൂട്ടിയേയും കുറിച്ച് പറയാനും വിശേഷങ്ങളും ഓർമ്മകളും ഒരുപാട് ഉണ്ട്. അക്കൂട്ടത്തിൽ മമ്മൂട്ടിയെക്കുറിച്ച് മേനക പറഞ്ഞ ഒരു ഓർമ്മ അതിശയം ഉളവാക്കുന്ന ഒന്നാണ്.

ഒരു മാധ്യമത്തിന് നൽകിയ അഭിമുഖത്തിൽ മേനക മമ്മൂട്ടിയെക്കുറിച്ച് പറഞ്ഞത് ” തന്നെ പേര് വിളിച്ചതിന് ഒരു അസിസ്റ്റന്റ് ഡയറക്ടറോട് മമ്മൂട്ടി ദേഷ്യപ്പെട്ടു” എന്നാണ്. ഇടനിലങ്ങൾ എന്ന ഐ.വി. ശശി ചിത്രത്തിന്റെ ഷൂട്ടിങ്ങിനിടയിൽ നടന്ന ഒരു സംഭവം ആണ് മേനക പ്രേക്ഷകരോട് പങ്കു വച്ചത്. മേനകയുടെ വാക്കുകൾ ഇങ്ങിനെ..,

“ഷൂട്ടിങ്ങിന്റെ തിരക്കിനിടയിൽ ഒരു അസിസ്റ്റന്റ് ഡയറക്ടർ ഇടയ്ക്കിടെ വന്ന് എന്നോട് ‘മേനക ഷൂട്ട് റെഡി’ എന്നു പറഞ്ഞു കൊണ്ടിരുന്നു. ഒരുപാട് തവണ ആയപ്പോൾ എന്റെ അമ്മ തന്നെ എന്നോട് ചോദിച്ചു ഇത്രയും സിനിമകളിൽ അഭിനയിച്ച നിന്നെ പ്രായം പോലും നോക്കാതെ ഒരു പയ്യൻ എന്തിനാണ് പേരു വിളിക്കുന്നത് എന്നു.

പക്ഷെ എനിക്ക് വിട്ടുകളയാൻ ആണ് തോന്നിയത്. ഞാൻ അത് കാര്യമായി മുഖവിലയ്ക്കെടുത്തില്ല. പക്ഷെ കുറച്ചു സമയത്തിന് ശേഷം ആ പയ്യൻ തിരിച്ചു വന്ന് എന്നോട് മാപ്പ് പറഞ്ഞു, ചേച്ചി എനിക്ക് അറിയാതെ സംഭവിച്ചതാണെന്നും പറഞ്ഞു. അത്ഭുതം തോന്നിയ ഞാൻ അവനോട് എന്താ പെട്ടെന്ന് ഇങ്ങിനെ പറയാൻ എന്നു ചോദിച്ചപ്പോൾ അവൻ പറഞ്ഞ മറുപടി എന്നെ അതിലേറെ ഞെട്ടിച്ചു. മമ്മൂക്ക അവനെ വിളിച്ച് ഒരുപാട് വഴക്കു പറഞ്ഞു.

ഇത്രയും സീനിയറായ ഒരു ആർട്ടിസ്റ്റിനെ പേര് വിളിച്ചത് ശരിയായില്ല എന്നും പറഞ്ഞു മനസിലാക്കി കൊടുത്തു എന്ന്. അത് കേട്ടപ്പോൾ എനിക്ക് ഒരുപാട് സന്തോഷവും ഒപ്പം മമ്മൂക്കയോട് ഒരുപാട് ബഹുമാനവും തോന്നി. മമ്മൂക്കയ്ക്ക് ഒരിക്കലും അതൊന്നും ശ്രദ്ധിക്കേണ്ട കാര്യം ഉണ്ടായിട്ടല്ല, എങ്കിലും മമ്മൂക്ക അത് ചെയ്തത് കൂടെ അഭിനയിക്കുന്നവർക്ക് പോലും അർഹിക്കുന്ന ബഹുമാനം കിട്ടണം എന്ന മമ്മൂക്കയുടെ സ്വഭാവം കൊണ്ടാണ്.”

RELATED ARTICLES  ‘രണ്ടാമൂഴം ഒരു കള്ളക്കഥ, ദിലീപിനെ കുടുക്കാൻ ശ്രീകുമാർ ഒരുക്കിയ തട്ടിപ്പ്‌’: വെളിപ്പെടുത്തലിനു പിന്നാലെ ശ്രീകുമാർ മേനോൻ രണ്ടാമൂഴത്തിൽ നിന്ന് പുറത്ത്‌?
[yuzo_related]

Comments

https://malayalamemagazine.com

Malu Sheheerkhan | Executive Editor


Related Articles & Comments