മലയാളം ഇ മാഗസിൻ.കോം

പോൺ ആസ്വദിക്കുന്ന, സെക്സ്‌ പറയുകയും ചെയ്യുകയും ചെയ്യുന്ന ലേഡിവീഡി!

സൈബർ ഇടങ്ങളിൽ പുരുഷൻ ലൈംഗികത തേടുകയും പറയുകയും ചെയ്യും. അതവരുടെ ആണധികാരവും അവകാശവുമാണ് എന്നൊരു ധാരണയും അവർക്കുണ്ട്. പുരുഷ ലൈംഗികതയുടെ പ്രദർശനങ്ങളിൽ, അവരുടെ പറച്ചിലുകളിൽ, വരകളിൽ നിന്നെല്ലാം ചിലവ എടുത്തു കാണുക മാത്രമായിരുന്നു ഇവിടുത്തെ പെൺകുട്ടികൾക്കുണ്ടായിരുന്നത്.

\"\"

എന്നാൽ സൈബർ ഇടങ്ങളിലെ ലൈംഗിക ചർച്ചകളിൽ, വരകളിൽ, വർത്തമാനങ്ങളിൽ എല്ലാം സ്ത്രീ കൾക്ക് വേണ്ടി പറയാനും വരക്കാനും തയ്യാറായി എത്തിയിരിക്കുകയാണ് ഒരു മലയാളി വനിത. പെണ്ണ് സെക്സിനെ കുറിച്ച് പറഞ്ഞാൽ നെറ്റി ചുളിക്കുന്ന ഒരു സമൂഹത്തിലാണ് സ്ത്രീ ശക്തയാണെന്നും സ്ത്രീയാണ് ശക്തയെന്നും പുരുഷൻ പറയുന്നതെന്തും അതുക്കും മേലെ പറയാനും പ്രവർത്തിക്കാനും ചർച്ച ചെയ്യുവാനും കഴിയുമെന്ന് മാവേലിക്കര സ്വദേശിയായ ഷാരോൺ റാണി എന്ന ഗ്രാഫിക് നോവലിസ്റ്റ്.

\"\"

ലേഡി വീടിയെന്ന പെൺ കാർട്ടൂൺ കഥാപാത്രത്തെ കൊണ്ട് ഇത് വരെ പുരുഷൻ പറഞ്ഞ സെക്സ് മാത്രമല്ല അവർ പറയിക്കുന്നത്. പുരുഷൻ പറഞ്ഞ പുരുഷന്റെ സംതൃപ്തിക്ക് വേണ്ടിയുള്ള ലൈംഗിക പറച്ചിലുകളെ സ്ത്രീ സംതൃപ്തിക്ക് വേണ്ടി മാറ്റി പറയുകയല്ല ലേഡി വീഡി പറയുന്നത്. പെണ്ണിന്റെ ശക്തിയും സംതൃപ്തിയും സാധ്യതകളുമെലാം വളരെ പച്ചയായി സൈബർ ഇടങ്ങളിലൂടെ ലേഡി വീഡി പറയുന്നു.

\"\"

പുരുഷൻ പറയുന്നത് പോലെയല്ല, പെണ്ണ് സെക്സ് പറയാൻ തുടങ്ങിയാൽ അതുക്കും മേലെയാകും പറച്ചിൽ എന്ന് ഷാരോൺ തുറന്നു പറയുന്നു. പെണ്ണ് ലൈംഗികതയെ കുറിച്ച് പറഞ്ഞാൽ അത് അവളുടെ അനുഭവമാണ് എന്ന് പറയുന്ന മലയാളി സമൂഹത്തിൽ തന്റെ അനുഭവങ്ങൾ മാത്രമല്ല, ചിന്തകളും ആഗ്രഹങ്ങളും ലേഡി വീഡി തുറന്നുപറയുന്നു.

എല്ലാ സ്ത്രീയുടെയും വിജയത്തിന് പിന്നിൽ ഒരു പുരുഷനുണ്ട് എന്ന് പറഞ്ഞു സെക്സ് ആസ്വദിക്കുന്ന ചിത്രത്തിലൂടെയാണ് ലേഡി വീഡി കടന്നു വന്നത്. സെക്സിനെ വെറുക്കാത്ത , സെക്സ് നന്നായി ആഗ്രഹിക്കുന്ന എന്നാൽ ഒരു കാമ ഭ്രാന്തി അല്ലാത്ത ഒരു കഥാപാത്രമാണ് ലേഡി വീഡി. സെക്സിനെ നന്നായി ആസ്വദിക്കുന്നത് പുരുഷനല്ലെന്നും അത് സ്ത്രീ തന്നെയാണെന്നും ലേഡി വീഡി മറയില്ലാതെ പറയുന്നു.

\"\"

പുരുഷ കേന്ദ്രീകൃത സൈബർ ഇടങ്ങളിൽ സെക്സിന്റെ തുറന്നു പറച്ചിലോടെ റിബലായി രംഗത്ത് വന്ന ലേഡി വീഡി തരംഗമായി മാറുന്നുണ്ട്. പെണ്ണ് സെക്സ് പറയുകയോ എന്ന് ചോദിച്ചു നേടി ചുളിക്കുന്നവർ പോലും ലേഡി വീഡിയുടെ കുസൃതി കലർന്ന സെക്സിലെ തുറന്നു പറച്ചിലുകളെ ഇഷ്ട്ടപ്പെടുന്നു.

\"\"

ആളുകളുടെ ഫ്രസ്ട്രേഷൻ കുറയ്ക്കാൻ ടെക്സ്‌ ടോയ്സ്‌ ഉണ്ടെങ്കിലേ പറ്റൂ എന്നാണ് ഷാരോണിന്റെ അഭിപ്രായം. മിക്ക സ്ത്രീകളും ഏതെങ്കിലും തരത്തിലുള്ള സെക്സ്‌ ടോയ്സ്‌ ഉപയോഗിക്കുന്നവരാണ്. സ്വയംഭോഗം ചെയ്യാൻ അത്‌ ആവശ്യമാണല്ലോ. എന്നാൽ കേരളത്തിൽ ഇന്നു വരെ അവ വിൽക്കുന്ന കടകൾ ഇല്ല എന്നും അവർ പറയുന്നു.

സെക്സ്‌ സംസാരിക്കാനും ചെയ്യാനും വേണ്ടി തന്നെയാണ് ലേഡിവീഡി ഉണ്ടായിരിക്കുന്നത്‌ തന്നെ. എന്നാൽ ന്യൂഡിറ്റി ചെയ്യുക എന്ന ഉദ്ദേശം ലേഡിവീഡിക്കില്ല എന്നും ഷാരോൺ വ്യക്തമാക്കി. ലേഡിവീഡി കണ്ട്‌ മാസ്ട്രുബേഷൻ ചെയ്യാൻ പറ്റുമോ എന്ന് അറിയില്ലെന്ന് വ്യക്തമാക്കുന്ന ഷാരോൺ ഇനി അഥവാ ചെയ്താലും അത്‌ പുരുഷന്മാർ ആയിരിക്കുമെന്നും അഭിപ്രായപ്പെടുന്നു.

\"\"

നല്ലവളോ കുലസ്ത്രീയോ ആകണമെന്നല്ല പച്ചയായ സ്ത്രീ ആകണമെന്നാണ് ലേഡിവീഡി ആഗ്രഹിക്കുന്നത്‌. പുരുഷനെ ലേഡിവീഡി ഒരു കാര്യം ഓർമ്മപ്പെടുത്തുന്നുണ്ട്‌, സ്ത്രീകളും സെക്വഷി ആക്ടീവാണ്. സ്ത്രീകൾ ഒരു ഉപകരണമല്ല, സ്ത്രീ ഇത്തരത്തിൽ ആകാൻ പാടില്ല എന്ന പൊതു ബോധം ചോദ്യം ചെയ്യപ്പെടണം.

\"\"

ഇഷ്ടമില്ലാത്തത് പറയുന്ന പെണ്ണിനെ ബലാത്സംഗം ചെയ്യുമെന്ന്‌ പ്രഖ്യാപിക്കുന്ന മലയാളി സൈബർ ഇടങ്ങളിൽ അയാളെ ഞാനെന്റെ പുസിയിൽ ഖബറടക്കി പൂ പാന്റീസ് കൊണ്ടൊരു റീത്തും വച്ചു എന്ന് ലേഡി വീഡിയെ കൊണ്ട് പറയിച്ച ഷാരോൺ സൈബർ ഇടങ്ങളിൽ പെണ്ണിനും സ്വന്തമായൊരു ഇടം കണ്ടെത്തുകയാണ്. പൊതു സമൂഹത്തിനു ഇത് വഴി ശക്തമായൊരു സന്ദേശം നൽകുകയാണ്.

\"\"

മാവേലിക്കരയിൽ ജനിച്ച ഷാരോൺ പഠിച്ചത് തിരുവനന്തപുരത്താണ്. തുടർന്നു ബാംഗ്ലൂർ , ഹൈദരാബാദ് തുടങ്ങിയ ഇന്ത്യൻ നഗരങ്ങളിൽ ജീവിച്ച ഷാരോൺ എന്ന പ്രശസ്ത ഗ്രാഫിക് നോവലിസ്റ്റ് ഇപ്പോൾ ജീവിക്കുന്നത് ഭൂട്ടാനിലാണ്. ലേഡി വീടിയെന്ന പോൺ സീരിസിലൂടെ മലയാളത്തിലെ പെൺ ലൈംഗികതയ്ക്ക് പുത്തൻ മാനങ്ങൾ നൽകാനാണ് ഷാരോൺ റാണി ശ്രമിക്കുന്നത്.

Sreekumar Kallada

ശ്രീകുമാർ കല്ലട | Staff Reporter at Malayalamemagazine.com