117 വർഷങ്ങൾക്കിപ്പുറം വീ​ണ്ടു​മൊ​രു ജൂ​ലൈ 16, സ്മരണകളിലൊരു തീവണ്ടിത്താവളം

നൂറ്റിപ്പതിനേഴു വ​ര്‍ഷ​ത്തി​ന​പ്പു​റ​ത്തെ ഒ​രു പ​ക​ൽ. എ​റ​ണാ​കു​ളം ടെ​ര്‍മി​ന​സ് സ്റ്റേ​ഷ​ൻ. അ​ക്ഷ​മ​യോ​ടെ കാ​ത്തു​നി​ല്‍ക്കു​ന്ന രാ​ജ​കു​ടും​ബാം​ഗ​ങ്ങ​ളും ജ​ന​ങ്ങ​ളും. എ​ല്ലാ ക​ണ്ണു​ക​ളും കാ​ഴ്ച​യു​ടെ അ​തി​ര്‍ത്തി ഭേ​ദി​ക്കു​ന്ന വ​ട​ക്കു​ഭാ​ഗ​ത്തേ​ക്ക്. അ​ങ്ങ​ക​ലെ ആ​ശ്ച​ര്യ​ത്തി​ന്‍റെ പു​ക​യു​യ​ര്‍ത്തി​ക്കൊ​ണ്ട് ആ​ദ്യ​തീ​വ​ണ്ടി​യു​ടെ ആ​വി എ​ന്‍ജി​ന്‍ പ​തു​ക്കെ പ്ലാ​റ്റ്ഫോ​മി​ലേ​ക്കെ​ത്തു​ന്നു. കൊ​ച്ചി​യു​ടെ ഗ​താ​ഗ​ത​ച​രി​ത്ര​ത്തി​ലെ വ​ഴി​ത്തി​രി​വാ​യി ഷൊ​ര്‍ണൂരി​ല്‍ നി​ന്നു കൊ​ച്ചി​യി​ലേ​ക്കു​ള്ള പാ​സ​ഞ്ച​ര്‍ തീ​വ​ണ്ടി​യു​ടെ വ​ര​വ്. ആ​ദ്യ​തീ​വ​ണ്ടി​യെ​ത്തി​യ ഇ​ടം ഇ​ന്നും ന​ഗ​ര​ഹൃ​ദ​യ​ത്തി​ലു​ണ്ട്. ഹൈ​ക്കോ​ട​തി​ക്ക് പു​റ​കി​ല്‍ ഓ​ള്‍ഡ് റെയ്ൽ വേ സ്റ്റേ​ഷ​നെ​ന്ന വി​ശേ​ഷ​ണ​ത്തി​ന്‍റെ മ​റ​യി​ല്‍, കാ​ലം കാ​ത്തു​വ​ച്ച മാ​റ്റ​ങ്ങ​ളാ​ല്‍ ഒ​ടു​ങ്ങി​യി​രി​ക്കു​ന്നു ആ ​ച​രി​ത്ര​യി​ടം. ച​രി​ത്ര​മെ​ത്തി​യ പാ​ള​ങ്ങ​ളി​ല്‍ നി​ന്നു തീ​വ​ണ്ടി​യു​ടെ ഇ​രു​മ്പു​ച​ക്ര​ങ്ങ​ള്‍ അ​ന്യം ​നി​ന്നു ക​ഴി​ഞ്ഞി​ട്ട് നാ​ളേ​റെ​യാ​യി. ആ​ദ്യ​പാ​ള​ത്തി​നു മീ​തെ കാ​ല​ത്തി​ന്‍റെ അ​തി​രി​ല്ലാ​ത്ത പ​ച്ച​പ്പു​ക​ൾ. എ​ങ്കി​ലും സ്മ​ര​ണ​ക​ളി​ല്‍, അ​ങ്ങ​ക​ലെ നി​ന്നും ഒ​രു തീ​വ​ണ്ടി​ശ​ബ്ദം ഇ​ര​മ്പി​യാ​ര്‍ത്തെ​ത്തു​ന്നു​ണ്ട്. സ്മ​ര​ണ​യു​ടെ ആ​കാ​ശ​ങ്ങ​ളെ മ​റ​യ്ക്കാ​നാ​വാ​തെ തീ​വ​ണ്ടി​യു​ടെ ക​റു​ത്ത​പു​ക​യു​യ​രു​ന്നു​ണ്ട്. 1902 ജൂ​ണ്‍ 2നാ​യി​രു​ന്നു ഷൊ​ര്‍ണൂ​ര്‍ – കൊ​ച്ചി പാ​ത​യി​ലൂ​ടെ ആ​ദ്യ ഗു​ഡ്സ് തീ​വ​ണ്ടി​യോ​ടു​ന്ന​ത്, ജൂ​ലൈ പ​തി​നാ​റി​നു പാ​സ​ഞ്ച​ര്‍ ട്രെ​യ്നും. മീ​റ്റ​ര്‍ ഗേ​ജ് ട്രാ​ക്കി​ല്‍ നൂ​റു കി​ലോ​മീ​റ്റ​ര്‍ നീ​ള​ത്തി​ലാ​യി​രു​ന്നു ഷൊ​ര്‍ണൂ​ര്‍ – കൊ​ച്ചി പാ​ത. ആ​ദ്യ​യാ​ത്ര​യി​ല്‍ ആ​വി എ​ന്‍ജി​നി​ല്‍ ഘ​ടി​പ്പി​ച്ച അ​ഞ്ചോ ആ​റോ ബോ​ഗി​ക​ള്‍ മാ​ത്രം. ക​ഠി​ന​പ്ര​യ​ത്ന​ത്തി​ന്‍റെ​യും ഇ​ച്ഛാ​ശ​ക്തി​യു​ടെ​യും ക​ഥ​യു​ണ്ട്, ഷൊ​ര്‍ണൂ​ര്‍ – കൊ​ച്ചി തീ​വ​ണ്ടി​യാ​ത്ര​യു​ടെ അ​ധി​ക​മാ​രും ആ​ഘോ​ഷി​ക്കാ​ത്ത ച​രി​ത്ര​ത്താ​ളു​ക​ളി​ൽ.

നാ​ടി​നെ സ്നേ​ഹി​ച്ച മ​ഹാ​രാ​ജ്

കൊ​ച്ചി മ​ഹാ​രാ​ജാ​വാ​യ രാ​മ​വ​ര്‍മ​യു​ടെ തീ​വ്ര​പ്ര​യ​ത്ന​ത്തി​ന്‍റെ ഫ​ല​മാ​ണ് ഇ​ന്നു കാ​ണു​ന്ന ഈ ​തീ​വ​ണ്ടി​പ്പാ​ത. കൊ​ച്ചി​യു​ടെ ഭ​ര​ണാ​ധി​കാ​രി​യാ​കു​ന്ന​തി​നു മു​ൻപു ത​ന്നെ തീ​വ​ണ്ടി​ഗ​താ​ഗ​ത​ത്തി​ന്‍റെ സാ​ധ്യ​ത തി​രി​ച്ച​റി​ഞ്ഞു അ​ദ്ദേ​ഹം. ഒ​ടു​വി​ല്‍ വ​ലി​യ ത​മ്പു​രാ​നാ​യി അ​ധി​കാ​ര​ത്തി​ന്‍റെ ചെ​ങ്കോ​ലേ​ന്തു​മ്പോ​ൾ, തീ​വ​ണ്ടി​ ഗ​താ​ഗ​ത​മെ​ന്ന മോ​ഹ​ത്തി​ന്‍റെ സാ​ക്ഷാ​ത്കാ​ര​ത്തി​നാ​യി അ​ക്ഷീ​ണം പ്ര​യ​ത്നി​ച്ചു. ഷൊ​ര്‍ണൂ​ര്‍ നി​ന്നും എ​റ​ണാ​കു​ളം വ​രെ​യു​ള്ള പാ​ത​യു​ടെ രൂ​പ​രേ​ഖ ത​യ​ാറാ​ക്കി ബ്രി​ട്ടി​ഷ് അ​ധി​കാ​രി​ക​ളു​ടെ അ​നു​മ​തി​ക്കാ​യി സ​മ​ര്‍പ്പി​ച്ചു. പാ​ത​യു​ടെ മു​ഴു​വ​ന്‍ ചെ​ല​വും സ്വ​യം ഏ​റ്റെ​ടു​ക്ക​ണ​മെ​ന്ന നി​ബ​ന്ധ​ന​യോ​ടെ അ​നു​മ​തി​യും ല​ഭി​ച്ചു. 1899ല്‍ ​പാ​ത​യു​ടെ നി​ര്‍മാ​ണം ആ​രം​ഭി​ച്ചു. നി​ർ​മാ​ണ​ച്ചെ​ല​വി​നാ​ല്‍ അ​നു​ദി​നം കാ​ലി​യാ​യി​ക്കൊ​ണ്ടി​രു​ന്നു ഖ​ജ​നാ​വ്. പൂ​ർ​ണ​ത്ര​യീ​ശ​നു സ​മ​ര്‍പ്പി​ച്ചി​രു​ന്ന ആ​ന​ച്ച​മ​യ​ങ്ങ​ളും ത​ങ്ക​ക്ക​ട്ടി​ക​ളു​മൊ​ക്കെ ആ ​വ​ലി​യ മോ​ഹ​ത്തി​നു വേ​ണ്ടി വി​റ്റ​ഴി​ക്കേ​ണ്ടി വ​ന്നു. എ​ന്നി​ട്ടും ക​ട​മ്പ​ക​ള്‍ ഏ​റെ​യാ​യി​രു​ന്നു. പാ​ത ക​ട​ന്നു പോ​കു​ന്ന ഇ​ട​പ്പ​ള്ളി മു​ത​ല്‍ അ​ങ്ക​മാ​ലി വ​രെ​യു​ള്ള പ്ര​ദേ​ശം ഇ​ട​പ്പ​ള്ളി ആ​സ്ഥാ​ന​മാ​യ എ​ള​ങ്ങ​ള്ളൂ​ര്‍ സ്വ​രൂ​പ​ത്തി​ന്‍റേ​താ​യി​രു​ന്നു. അ​തു​വി​ട്ടു ന​ല്‍കാ​ന്‍ കാ​ല​താ​മ​സ​മു​ണ്ടാ​യി. ഒ​ടു​വി​ല്‍ എ​ള​ങ്ങ​ള്ളൂ​ര്‍ സ്വ​രൂ​പ​ത്തി​ന്‍റെ ക​നി​വി​ല്‍ ഇ​ട​പ്പ​ള്ളി, ആ​ലു​വ, ചൊ​വ്വ​ര, അ​ങ്ക​മാ​ലി എ​ന്നി​വി​ട​ങ്ങ​ളി​ലൂ​ടെ വ​ലി​യ ത​മ്പു​രാ​ന്‍റെ മോ​ഹ​ത്തി​ന്‍റെ പാ​ള​ങ്ങ​ള്‍ യാ​ഥാ​ര്‍ഥ്യ​മാ​യി. പാ​ള​ങ്ങ​ളും ബോ​ഗി​യും ആ​വി എ​ന്‍ജി​നു​മെ​ല്ലാം ഇം​ഗ്ല​ണ്ടി​ല്‍ നി​ന്ന് ഇ​റ​ക്കു​മ​തി ചെ​യ്യു​ക​യാ​യി​രു​ന്നു. രാ​ജ​കു​ടും​ബാം​ഗ​ങ്ങ​ള്‍ സ​ഞ്ച​രി​ക്കു​മ്പോ​ള്‍ തീ​വ​ണ്ടി​യോ​ടു ഘ​ടി​പ്പി​ക്കാ​ന്‍ പ്ര​ത്യേ​ക സ​ലൂ​ണ്‍ സ​ജ്ജീ​ക​രി​ച്ചി​രു​ന്നു. ടെ​ര്‍മി​ന​സ് സ്റ്റേ​ഷ​നി​ല്‍ ത​പാ​ലാ​പ്പീ​സ്, പാ​ര്‍സ​ല്‍ ഓ​ഫി​സ്, ടെ​ല​ഗ്രാം സൗ​ക​ര്യ​ങ്ങ​ള്‍ എ​ന്നി​വ​യെ​ല്ലാം ഗ​താ​ഗ​ത​സ​ങ്കേ​ത​ത്തി​ന്‍റെ അ​നു​ബ​ന്ധ സൗ​ക​ര്യ​ങ്ങ​ളാ​യി വ​ള​ര്‍ന്നു. പാ​ത ക​ട​ന്നു പോ​കു​ന്ന ചൊ​വ്വ​ര​യി​ലും തൃ​ശൂ​രി​ലും വി​ശ്ര​മ​മു​റി​ക​ള്‍, തീ​വ​ണ്ടി​ക​ള്‍ വെ​ള്ളം നി​റ​യ്ക്കു​ന്ന​തു ചാ​ല​ക്കു​ടി​യി​ൽ. അ​ങ്ങ​നെ പാ​ത​യോ​ര​ത്തെ ഓ​രോ സ്റ്റേ​ഷ​നു​ക​ളി​ലും വി​ക​സ​ന​ത്തി​ന്‍റെ ഗ്രീ​ന്‍ സി​ഗ്ന​ലു​ക​ള്‍ തെ​ളി​ഞ്ഞു.

പ​ച്ച​പ്പു​ത​പ്പി​ലൊ​ളി​ച്ചി​രി​ക്കു​ന്ന ച​രി​ത്രം

ആ​ദ്യ പാ​സ​ഞ്ച​ര്‍ തീ​വ​ണ്ടി പു​ക​യൂ​തി​യെ​ത്തി​യ ന​ഗ​ര​ഹൃ​ദ​യ​ത്തി​ലെ തീ​വ​ണ്ടി​ത്താ​വ​ളം ഒ​രു​പാ​ടു പേ​രു​മാ​റ്റ​ങ്ങ​ള്‍ക്കൊ​ടു​വി​ല്‍ ഓ​ള്‍ഡ് റെ​യ്ൽവേ സ്റ്റേ​ഷ​നാ​യി ഇ​ന്നും നി​ല​നി​ല്‍ക്കു​ന്നു. ആ​ദ്യം എ​റ​ണാ​കു​ളം ടെ​ര്‍മി​ന​സ് സ്റ്റേ​ഷ​ൻ, പി​ന്നീ​ട് ഗു​ഡ്സ് സ്റ്റേ​ഷ​ൻ, അ​തി​നു​ശേ​ഷം സി​മന്‍റ് ഗോ​ഡൗ​ണ്‍….​ഒ​ടു​വി​ല്‍ ച​രി​ത്ര​ത്തി​ന്‍റെ അ​റി​യാ​ക്ക​ഥ​ക​ളെ കാ​ല​ത്തി​ന്‍റെ പ​ച്ച​പ്പി​ന​ടി​യി​ലേ​ക്കൊ​തു​ക്കി ഓ​ള്‍ഡ് റെ​യ്ൽവേ സ്റ്റേ​ഷ​ന്‍ എ​ന്ന വി​ശേ​ഷ​ണ​ത്തി​ലേ​ക്കും. കൊ​ച്ചി​യു​ടെ മു​ഖഛാ​യ മാ​റ്റി​യ സ​ര്‍ റോ​ബ​ര്‍ട്ട് ബ്രി​സ്റ്റോ, മ​ഹാ​ത്മാ​ഗാ​ന്ധി, വൈ​സ്രോ​യി ഇ​ര്‍വി​ന്‍ പ്ര​ഭു, ലാ​ല്‍ ബ​ഹാ​ദൂ​ര്‍ ശാ​സ്ത്രി തു​ട​ങ്ങി​യ​വ​ര്‍ വ​ന്നി​റ​ങ്ങി​യ​തി​വി​ടെ​യാ​ണ്. 1929ല്‍ ​എ​റ​ണാ​കു​ളം സൗ​ത്ത് റെ​യ്‌​ൽ​വേ സ്റ്റേ​ഷ​നും അ​തി​നു​ശേ​ഷം ഹാ​ര്‍ബ​ര്‍ ടെ​ര്‍മി​ന​സും നി​ല​വി​ല്‍ വ​ന്ന​തോ​ടെ ഓ​ള്‍ഡ് റെ​യ്‌​ൽ​വേ സ്റ്റേ​ഷ​ന്‍റെ പ്രാ​ധാ​ന്യം ന​ഷ്ട​പ്പെ​ട്ടു. ച​രി​ത്ര​യാ​ത്ര​യു​ടെ ആ​വ​ര്‍ത്ത​ന​മാ​യി അ​റു​പ​തു​ക​ള്‍ വ​രെ പാ​സ​ഞ്ച​ര്‍ തീ​വ​ണ്ടി​ക​ള്‍ ഈ ​പ്ലാ​റ്റ്ഫോ​മി​ലെ​ത്തി​യി​രു​ന്നു. പി​ന്നീ​ട് കാ​ല​വും അ​ധി​കൃ​ത​രും കൊ​ച്ചി​യു​ടെ ആ​ദ്യ തീ​വ​ണ്ടി​ത്താ​വ​ള​ത്തി​നെ ക​രു​ണ​യി​ല്ലാ​തെ ത​രം​താ​ഴ്ത്തി. ആ ​തീ​വ​ണ്ടി​ത്താ​വ​ള​ത്തി​ല്‍ പ്ര​ഖ്യാ​പ​ന​ങ്ങ​ള്‍ മാ​ത്രം ധാ​രാ​ളം വ​ന്ന​ണ​ഞ്ഞു, റെ​യ്ൽ മ്യൂ​സി​യം, സ​ബ​ര്‍ബ​ര്‍ ട്രെ​യ്ന്‍ ഹ​ബ്, പൈ​തൃ​ക മ്യൂ​സി​യം…​ ഏ​റ്റ​വു​മൊ​ടു​വി​ല്‍ മെ​മു-​ഡെ​മു ട്രെ​യ്നു​ക​ളു​ടെ ഹ​ബ്ബ്… പാ​ളം തെ​റ്റി​യ പ്ര​ഖ്യാ​പ​ന​ങ്ങ​ളേ​റെ. ഒ​ന്നും യാ​ഥാ​ര്‍ഥ്യ​മാ​യി​ല്ല.

വീ​ണ്ടു​മൊ​രു ജൂ​ലൈ 16

ഇ​ന്നും അ​ധി​ക​മാ​ര്‍ക്കു​മ​റി​യി​ല്ല, ച​രി​ത്ര​മു​റ​ങ്ങു​ന്ന ഈ ​ഇ​ടം ഇ​വി​ടെ​യു​ണ്ടെ​ന്ന്, കാ​ട്ടു​വേ​രു​ക​ള്‍ക്കി​ട​യി​ല്‍ മ​റ​ഞ്ഞി​രി​ക്കു​ന്ന പാ​ള​ങ്ങ​ള്‍ ഗ​താ​ഗത​ച​രി​ത്ര​ത്തി​ന്‍റെ ഭാ​ഗ​മാ​ണെ​ന്ന്. ഇ​ന്നു തീ​വ​ണ്ടി​ഗ​താ​ഗ​ത​ത്തി​ന്‍റെ ഞ​ര​മ്പു​ക​ള്‍ ഇ​ന്ത്യ​യൊ​ട്ടാ​കെ പ​ട​ര്‍ന്നി​രി​ക്കു​ന്നു. ഒ​രു ല​ക്ഷ​ത്തി​ല​ധി​കം ദൈ​ര്‍ഘ്യം വ​രു​ന്ന തീ​വ​ണ്ടി​പ്പാ​ത​ക​ൾ, പ​തി​നാ​യി​ര​ത്തി​ല​ധി​കം തീ​വ​ണ്ടി​ക​ള്‍, ഏ​ഴാ​യി​ര​ത്തി​ല​ധി​കം റെ​യ്‌​ൽ​വേ സ്റ്റേ​ഷ​നു​ക​ള്‍….​ഭാ​ര​ത​ത്തി​ന്‍റെ തീ​വ​ണ്ടി​ഗ​താ​ഗ​ത ച​രി​ത്രം നൂ​റ്റി​യ​റു​പ​തു വ​ര്‍ഷം പി​ന്നി​ടു​മ്പോ​ൾ, വ​ള​ര്‍ച്ച​യു​ടെ​യും വി​ക​സ​ന​ത്തി​ന്‍റെ ക​ണ്ണെ​ത്താ​ദൂ​ര​ത്തോ​ളം യാ​ത്ര ചെ​യ്തു ക​ഴി​ഞ്ഞി​രി​ക്കു​ന്നു. ആ ​വ​ലി​യ യാ​ത്ര​യു​ടെ ഒ​രു ചെ​റി​യ ഇ​ട​വ​ഴി​യെ​ങ്കി​ലും, കേ​ര​ള​ത്തി​ന്‍റെ ഗ​താ​ഗ​ത​ച​രി​ത്ര​ത്തി​ല്‍ ഷൊ​ര്‍ണൂ​ര്‍ – കൊ​ച്ചി പാ​ത​യ്ക്ക് പ്രാ​ധാ​ന്യ​മേ​റെ​യു​ണ്ട്, ആ​ദ്യ​മാ​യി തീ​വ​ണ്ടി വ​ന്നെ​ത്തി​യ ഇ​ട​ത്തി​നും.

വീ​ണ്ടു​മൊ​രു ജൂ​ലൈ പ​തി​നാ​റ്. ആ​ദ്യ​തീ​വ​ണ്ടി​യു​ടെ സ്മ​ര​ണ​ക​ള്‍ക്ക് 117 വ​യ​സാ​കു​ന്നു. ഓ​ള്‍ഡ് റെ​യ്‌​ൽ​വേ െസ്റ്റേ​ഷ​നി​ലെ പാ​ള​ങ്ങ​ള്‍ക്കു മീ​തെ പ​ട​ര്‍ന്നു ക​യ​റി​യ കാ​ട്ടു​വേ​രു​ക​ള്‍ക്കി​ട​യി​ല്‍ ഇ​പ്പോ​ഴും ആ​ദ്യ യാ​ത്ര​യു​ടെ ഒ​ടു​ങ്ങാ​ത്ത ഇ​ര​മ്പ​മു​ണ്ടാ​കും, ഒ​രു വ​ലി​യ മോ​ഹ​ത്തി​നു വേ​ണ്ടി അ​ധി​കാ​ര​ത്തി​ന്‍റെ അ​ര​മ​ന​യൊ​ഴി​ഞ്ഞ രാ​ജാ​വി​ന്‍റെ ഒ​ടു​ങ്ങാ​ത്ത നി​ശ്വാ​സ​ങ്ങ​ളു​ണ്ടാ​കും, ഇ​നി​യൊ​രു യാ​ത്ര​യും ഇ​വി​ടെ തു​ട​ങ്ങി​ല്ലെ​ന്നും ഒ​ടു​ങ്ങി​ല്ലെ​ന്നും തി​രി​ച്ച​റി​ഞ്ഞ് ഉ​പ​ചാ​രം ചൊ​ല്ലി പി​രി​യു​മ്പോ​ള്‍ ഇ​ട​റി​യ ക​ണ്ഠ​ങ്ങ​ളു​ടെ ക​ണ്ണീ​ര്‍ത്ത​ണു​പ്പു​ണ്ടാ​കും….