16
January, 2019
Wednesday
02:15 PM
banner
banner
banner

ജോഷി എന്നെ ചതിച്ചാശാനേ! വർഷങ്ങൾക്ക്‌ ശേഷം ഡെന്നിസ്‌ ജോസഫ്‌ ആ ‘ചതി’ തുറന്നു പറയുന്നു

സംവിധായകൻ ജോഷിയും തിരക്കഥാകൃത്ത്‌ ഡെന്നീസ്‌ ജോസഫും ഒന്നിച്ചപ്പോഴൊക്കെ മലയാളിക്ക്‌ കിട്ടിയിട്ടുള്ളത്‌ സൂപ്പർ ഹിറ്റ്‌ സിനിമകളായിരുന്നു. ഇരുവരും ചേർന്ന് മലയാളക്കരയെ അക്ഷരാർത്ഥത്തിൽ പുളകം കൊള്ളിക്കുകയായിരുന്നു. മമ്മൂട്ടിയും മോഹൻലാലും ഉൾപ്പടെയുള്ള താരങ്ങളെ സൂപ്പർ താരങ്ങളാക്കാൻ പോന്ന സിനിമകളായിരുന്നു മിക്കവയും. എന്നാൽ ഇരുവരും തമ്മിൽ അകലാനുള്ള കാരണം ഇപ്പോൾ വെളിപ്പെടുത്തിയിരിക്കുകയാണ് ഡെന്നിസ്‌ ജോസഫ്‌.

എന്റെ സ്‌ക്രിപ്റ്റുകള്‍ തിരുത്തലിന് അതീതമാണെന്നൊന്നും ഞാന്‍ കരുതിയിട്ടില്ല. പക്ഷേ എന്നോട് അനുവാദം ചോദിക്കണമായിരുന്നു. സിനിമയുടെ സെക്കന്റ് ഹാഫിലാണ് ജോഷി മറ്റ് എഴുത്തുകാരെ വച്ച് മാറ്റങ്ങള്‍ വരുത്തിയത്. സിനിമ കണ്ടപ്പോള്‍ എനിക്ക് അത് മനസ്സിലാകുകയും ചെയ്തു. ജോഷിക്ക് അത് ചെയ്യാന്‍ അര്‍ഹതയോ അവകാശമോ ഇല്ലായിരുന്നു. പിന്നീട് ഞങ്ങള്‍ മാനസികമായി അകന്നു. നായര്‍ സാബ് എന്ന സിനിമയുടെ സെക്കന്റ് ഹാഫിലും മാറ്റങ്ങള്‍ വരുത്തി.

പിന്നീട് ഞാനും ജോഷിയും ഭൂപതി എന്ന സിനിമയിലൂടെ വീണ്ടും ഒന്നിച്ചു. ഞങ്ങള്‍ തമ്മില്‍ ശത്രുതയിലാണെന്നല്ല ഞാന്‍ പറഞ്ഞു വരുന്നത്. വ്യക്തിപരമായ ബന്ധമുണ്ടെങ്കിലും ഞങ്ങള്‍ തമ്മിലുള്ള പ്രൊഫഷണല്‍ ബന്ധത്തില്‍ ചില അസ്വാരസ്യങ്ങള്‍ വന്നു. സിനിമ സംവിധായകന്റെ കല ആണെന്ന് പറയുമെങ്കിലും വ്യക്തിപരമായ ബന്ധം വച്ച് ജോഷി എന്നോട് അത് ചെയ്യാന്‍ പാടില്ലായിരുന്നു.

ജോഷിക്ക് അതിനുള്ള അവകാശം ഇല്ലായിരുന്നു. ഞങ്ങള്‍ തമ്മില്‍ വൈരാഗ്യത്തിലാണ് എന്നൊന്നും ഇത് പറയുമ്പോള്‍ നിങ്ങള്‍ കരുതരുത്. ഞങ്ങള്‍ തമ്മിലുള്ള അഭിപ്രായ വത്യാസം നമ്പര്‍ 20 മദ്രാസ് മെയിലിന്റെയും നായര്‍ സാബിന്റെയും സെക്കന്റ് ഹാഫില്‍ മുഴച്ചു നില്‍ക്കുന്നുണ്ട്.

1990 ലാണ് ജോഷി സംവിധാനം ചെയ്ത നമ്പര്‍ 20 മദ്രാസ് മെയില്‍ പുറത്തിറങ്ങുന്നത്. മോഹന്‍ലാല്‍, സോമന്‍, സുചിത്ര, ജഗദീഷ്, ജയഭാരതി, മണിയന്‍ പിള്ള രാജു എന്നിങ്ങനെ ഒരു വലിയതാര നിര തന്നെ ചിത്രത്തില്‍ ഉണ്ടായിരുന്നു. മമ്മൂട്ടി അതിഥിവേഷത്തില്‍ എത്തിയതായിരുന്നു ചിത്രത്തിന്റെ ഏറ്റവും വലിയ പ്രത്യേകത. ചിത്രം സൂപ്പര്‍ഹിറ്റാവുകയും ചെയ്തു. വർഷങ്ങൾക്ക്‌ ശേഷം ജോഷിയുമായുള്ള തന്റെ അകൽച്ചയെക്കുറിച്ച്‌ ഡെന്നിസ്‌ ജോസഫ്‌ തുറന്നു പറഞ്ഞത്‌ സിനിമാ ഇൻഡസ്ട്രിയിൽ തന്നെ ചർച്ചയായിട്ടുണ്ട്‌.

RELATED ARTICLES  മഞ്ജുവിനെ പരിഹസിച്ച ശ്രീകുമാർ മേനോന്‌ കിട്ടിയത്‌ മുട്ടൻ പണി, ഒടുവിൽ നിലപാട്‌ മാറ്റം
· · ·
[yuzo_related]

Comments



Related Articles & Comments