Staff Reporter
മേടം (അശ്വതി, ഭരണി, കാര്‍ത്തിക 1/4)
മനസ്സിൽ ഉദ്ദേശിക്കുന്ന കാര്യങ്ങള്‍ അധികവും നടപ്പിലാക്കുവാൻ കഴിയും. സാമ്പത്തികമായി നല്ല അനുഭവങ്ങൾ ഉണ്ടാകും. ഗൃഹത്തില്‍ ചില മംഗളകര്‍മ്മങ്ങള്‍ നടക്കുവാനും കുടുംബ സമേതം യാത്രകൾ നടത്തുവാനും കഴിയും. അവിവാഹിതര്‍ക്ക് വിവാഹകാര്യത്തില്‍ തീരുമാനമാകും. പൊതുവേ അനുകൂലകരമായ വാരമാണ്. എന്നാൽ പരീക്ഷകളിലും മറ്റും പങ്കെടുക്കുന്നവർക്ക് കടുത്ത മൽസരം നേരിടേണ്ടി വരും.
ഇടവം (കാര്‍ത്തിക 3/4, രോഹിണി, മകയിരം 1/2)
മുൻ തീരുമാനിച്ച ചില കാര്യങ്ങളിൽ അപ്രതീക്ഷിത തടസ്സങ്ങള്‍ ചിലപ്പോഴൊക്കെ അനുഭവപ്പെടാം.തൊഴിൽ കാര്യങ്ങൾ മന്ദഗതിയില്‍ നീങ്ങും. ധനപരമായ ഇടപാടുകള്‍ വളരെ ശ്രദ്ധാപൂര്‍വ്വം നടത്തേണ്ടതാകുന്നു. ആരോഗ്യവിഷയങ്ങളില്‍ കൂടുതല്‍ ശ്രദ്ധ നല്കുക. വരാന്ത്യത്തിൽ സാമ്പത്തികമായി സാഹചര്യങ്ങൾ അനുകൂലമാകും. പല വിഷയങ്ങളിലും കുടുംബത്തിന്റെ പിന്തുണ ലഭിക്കും.
മിഥുനം (മകയിരം 1/2, തിരുവാതിര, പുണര്‍തം 3/4)
ഉത്തമസുഹൃത്തുക്കളുടെ സഹായം ലഭ്യമാകും. വിദേശയാത്ര ആഗ്രഹിക്കുന്നവര്‍ക്ക് ആഗ്രഹം സാധിക്കും. എന്നാൽ അവിചാരിത പ്രതിബന്ധങ്ങള്‍ പ്രതീക്ഷിക്കണം. യാത്രാക്ലേശമോ അലച്ചിലോ ഉണ്ടാകാം. ധനനഷ്ടങ്ങള്‍ ഉണ്ടാവാതെ ശ്രദ്ധിക്കേണ്ടതാണ്. വേണ്ടത്ര ബോധ്യം ഇല്ലാതെ ധന നിക്ഷേപം നടത്തരുത്. അവശ്യ ഘട്ടങ്ങളിൽ അവിചാരിത സഹായങ്ങൾ ലഭിക്കുന്നത് അനുഗ്രഹമാകും.
കര്‍ക്കിടകം (പുണര്‍തം 1/4, പൂയം, ആയില്യം)
എല്ലാകാര്യങ്ങളിലും ഏറ്റം ശ്രദ്ധ പതിക്കുകയും തൊഴില്‍ രംഗത്ത് അര്‍ഹിക്കുന്ന ഉന്നതി കൈവരിക്കുന്നതിനും കഴിയും. ഭവനം വാങ്ങുന്നതിനും ഭവന നവീകരണം നടത്തുന്നതിനും ഉല്‍സാഹിക്കും. ദൈവീകകര്‍മ്മങ്ങള്‍ നടത്തുന്നതിലും താല്പര്യം വര്‍ദ്ധിക്കും
YOU MAY ALSO LIKE THIS VIDEO, ഓൺലൈനിൽ നിന്ന് തൈകൾ വാങ്ങി നട്ടു, ഇപ്പോൾ എന്നും കിട്ടും കിലോക്കണക്കിന്‌ ചെറുനാരങ്ങ
ചിങ്ങം (മകം, പൂരം, ഉത്രം 1/4)
വാദപ്രതിവാദം ,കേസ്, ശത്രുത്വം എന്നിവ സംഭവിക്കാതിരിക്കുവാന്‍ കൂടുതല്‍ ശ്രദ്ധിക്കേണ്ടതുണ്ട്. പ്രണയിക്കുന്നവര്‍ തമ്മിലും അകല്‍ച്ചകള്‍ സംഭവിക്കാം. കാര്‍ഷിക മേഖലയില്‍ നിന്നും ആദായം വര്‍ദ്ധിക്കും. ജ്യേഷ്ഠസഹോദരപക്ഷത്തു നിന്നും മനോവിഷമം നേരിടുവാൻ സാധ്യതയുണ്ട്. സാമ്പത്തികമായി മോശമല്ലാത്ത അനുഭവങ്ങൾ പ്രതീക്ഷിക്കാം.
കന്നി (ഉത്രം 3/4, അത്തം, ചിത്തിര 1/2)
ഉന്നതരുമായി ബന്ധം സ്ഥാപിക്കുന്നതിന് ഇടവരും. വിദേശയാത്രകള്‍ ആലോചിക്കുന്നവര്‍ക്ക് നല്ല് അവസരമാണ്. വിദേശത്ത് തൊഴിലനുഷ്ഠിക്കുന്നവര്‍ക്കും ഗുണകരമായ സമയമാണ്. ഭാഗ്യക്കുറിപോലെയുള്ള മേഖലയില്‍ നിന്നും ഗുണം അനുഭവിക്കുവാന്‍ സാദ്ധ്യതയുണ്ട്. ആരോഗ്യപ്രശ്‌നങ്ങള്‍ ഉടലെടുക്കുവാന്‍ സാദ്ധ്യത. ഏതു കാര്യത്തിലും വളരെ ശ്രദ്ധ പാലിക്കുക. പുതിയ കാര്യങ്ങള്‍ തുടങ്ങുന്നതിന് അനുകൂലസമയമല്ല.
തുലാം (ചിത്തിര 1/2, ചോതി, വിശാഖം 3/4)
കാലങ്ങളായി നിലനില്ക്കുന്ന ശത്രുത്വം , കേസ് എന്നിവയ്ക്ക് പരിഹാരം ഉണ്ടായിതീരും. വാഹനം വാങ്ങുന്നതിന് സാഹചര്യം വരും. മാതൃ ബന്ധുക്കളിൽ നിന്നും നിന്നും മനപ്രയാസ്സം അനുഭവിക്കാന്‍ ഇടയുണ്ട്. പാരമ്പര്യസ്വത്ത് വകകള്‍ വന്നുചേരുകയോ അതിൽ നിന്നും വരുമാനം ലഭിക്കുകയോ. ഭവനം മോടിപിടിപ്പിക്കും.
വൃശ്ചികം (വിശാഖം 1/4, അനിഴം, തൃക്കേട്ട)
രക്തദൂക്ഷ്യമായ അസുഖങ്ങള്‍ അലട്ടുവാന്‍ വഴിയുണ്ട്. ദാമ്പത്യജീവിതത്തിലും അപ്രതീക്ഷിത പ്രയാസങ്ങള്‍ അനുഭവപ്പെട്ടേക്കാം. ബന്ധുജനങ്ങളില്‍ നിന്നും വിമര്‍ശനങ്ങള്‍ നേരിടേണ്ടിവന്നേക്കും. യാത്ര നിശ്ചയിച്ചതില്‍ നിന്നും താമസിക്കുകയോ മുടങ്ങുകയോ ചെയ്യാൻ സാധ്യത കാണുന്നു. സുഹൃത്ത് സഹായം ലഭിക്കും. വായ്പകൾ ശരിപ്പെട്ടു വരും.
YOU MAY ALSO LIKE THIS VIDEO, Ningalkkariyamo? | കൊല്ലത്തു നിന്നും ടിക്കറ്റെടുത്ത്‌ ശ്രീലങ്കയ്ക്ക്‌ പോകാമായിരുന്ന ബോട്ട്‌ മെയിൽ എക്സ്പ്രസ്‌ ട്രെയിനു സംഭവിച്ച ആ വലിയ ദുരന്തത്തിന്റെ കഥ
ധനു (മൂലം, പൂരാടം, ഉത്രാടം 1/4)
ഉദ്ദിഷ്ടകാര്യങ്ങള്‍ സാധിപ്പിക്കുന്നതിന് വഴിയുണ്ടാവും. ഇഷ്ജനങ്ങളെ കണ്ടുമുട്ടുവാന്‍ ഇടവരും . കര്‍മ്മരംഗത്ത് ഉന്നതി കൈവരിക്കും. വാണിജ്യം, വ്യവസായം എന്നീ മേഖലയില്‍ പ്രവര്‍ത്തിക്കുന്നവര്‍ക്ക് നല്ല സമയമാണ്. വ്യാപാരത്തിന്റെ ഭാഗമായി പണം ചിലവിടുന്നതിന് സാദ്ധ്യതയുണ്ട്. തീര്‍ത്ഥാടനം പോലെയുള്ള യാത്രയ്ക്കും വഴിയുണ്ടാവും.
മകരം (ഉത്രാടം 3/4, തിരുവോണം, അവിട്ടം 1/2)
ഏത് പ്രതിസന്ധിയെയും മനസാന്നിദ്ധ്യം കൊണ്ട് അതിജീവിക്കുന്നതിന് ശ്രമിക്കും. ഉത്സാഹം വര്‍ദിധിക്കും. വിവാഹം അന്വേഷിക്കുന്നവര്‍ക്ക് തൃപ്തികരമായ തീരുമാനത്തില്‍ എത്താന്‍ സാധിക്കും. മംഗളകര്‍മ്മങ്ങളില്‍ പങ്കെടുക്കുവാന്‍ വഴിയുണ്ടാവും. പുതിയ സംരംഭങ്ങള്‍ തുടങ്ങും. ഗൃഹനിര്‍മ്മാണം ആരംഭിക്കും. പരീക്ഷകളിലും മത്സരങ്ങളിലും വിജയം കൈവരിക്കും. ശാരീരികപ്രശ്‌നങ്ങള്‍ അലട്ടുമെങ്കിലും വരാന്ത്യത്തോടെ ആരോഗ്യസ്ഥിതി അനുകൂലമാകും.
കുംഭം (അവിട്ടം 1/2, ചതയം, പൂരൂരുട്ടാതി 3/4)
വിദ്യാഭ്യാസ പുരോഗതി ഉണ്ടാവും. ഇന്റര്‍വ്യൂ, പരീക്ഷ എന്നിവയില്‍ തൃപ്തികരമായ വിജയം കൈവരിക്കുവാന്‍ കഴിയും . സ്വന്തം കാര്യങ്ങളില്‍ മാറ്റി വെയ്ക്കാതെ ഉത്സാഹിക്കും. ഉത്തരവാദിത്വങ്ങള്‍ നിറവേറ്റുവാന്‍ കഴിയും. പല കാര്യങ്ങളിലും അനുകൂലമായ മാറ്റങ്ങള്‍ തുടര്‍ച്ചയായി ഉണ്ടാകും. ധനസ്ഥിതി മെച്ചപ്പെടും. ഉന്നതവിദ്യാഗുണം, സ്ഥാനാന്തരപ്രാപ്തി, തൊഴില്‍രംഗത്ത് പുരോഗതി ഇവ ഉണ്ടാകുന്നതാണ്. സന്തോഷകരമായി കാര്യങ്ങള്‍ ഭവിക്കും.
മീനം (പൂരൂരുട്ടാതി1/4, ഉത്രട്ടാതി, രേവതി)
ശത്രുപക്ഷങ്ങള്‍ക്ക് അയവ് വരും. അകല്‍ച്ച ഉണ്ടായിരുന്നവര്‍ സഹായരംഗത്ത് പ്രവര്‍ത്തിക്കും . ആരോഗ്യ പ്രശ്‌നങ്ങള്‍ക്കും കുറവ് സംഭവിക്കും. ബന്ധു ജനങ്ങളില്‍ നിന്നും സന്തോഷത്തിന് ഇടവരും. വളരെ സൂക്ഷിച്ചില്ലെങ്കില്‍ അമിതമായ ധനചിലവ് വര്‍ദ്ധിക്കുന്നതായി വരും. അത്യാവശ്യ കാര്യങ്ങൾക്ക് ധനം കരുതി വയ്ക്കണം. വാര മധ്യത്തിൽ അപ്രതീക്ഷിത തടസ്സങ്ങള്‍ ഉണ്ടാകാം. ധനപരമായ പ്രതിസന്ധി അനുഭവപ്പെടും.
ജ്യോതിഷ സംബന്ധമായ സംശയങ്ങൾക്കും കൺസൾട്ടിംഗിനും
ശ്രേയസ്‌ ജ്യോതിഷ കേന്ദ്രം, തിരുവനന്തപുരം | ഫോൺ: +91 7012124283
YOU MAY ALSO LIKE THIS VIDEO, മട്ടുപ്പാവിലെ മണ്ണില്ലാകൃഷി: തക്കാളിയും പച്ചക്കറികളും കുലകുത്തി പിടിക്കും, Soil-less terrace farming
